Grønlandsbanken umiatsiaararsortunut taarsigassarsititsisarunnaartoq – Bank Nordik suli ammatitsivoq

Aalisarnermut siulittaasoq Bank Nordikimut nuunnialikkersaarpoq. Bank Nordikkimi umiatsiaararsortunut aningaasanik suli atortitsisarusuppoq.
. Naak Bank Nordikip – Grønlandsbankitulli aalisagaqassuseq aalisartullu inuussutigisaat piffissami sivisuumi qularutigisimagaluarlugu umiatsiaararsortunut suli atukkiisarusuppoq.
oktobarip 23-at 2019 14:05
Nutserisoq Connie Fontain

- Grønlandsbanken eqqarsaatigalugu banki tamanna mattussilissappat, bankit allat periarfissalersuisut isiginiartariaqassavagut, aalisartoq, Aasiaanilu aalisartut peqatigiiffianni siulittaasoq, Malik Stork oqarpoq.

Grønlandsbankenimmi umiatsiaararsortunut aningaasaanik atukkiisarunnaarpoq. Tamanna aningaasaateqarfiup sapaatip akunnerani matumani siusinnerusumi nalunaarutigaa, sinerissammi qanittuani umiatsiaararsortut aningaasatigut piujuaannartitsinermillu iluanaaruteqarsinnaanngitsut banki isumaqarpoq.

Taamaammat umiatsiaararsortunut nutaamik umiatsiarsiniartunut atortunillu taarsiiniartunut aningaasanik atortitsisarneq bankimik unitsinneqarpoq.

AAMMA ATUARUK Umiatsiaararsortoq: Bankip killiliinera siusinaarluni iliuuseqarneruvoq

Sinerissap qanittuani aalisartut qassiiusut bankimut allamut nuunnissartik isumaliutigaat. Bank Nordimi taama sakkortutigisulunngilaq. Naak Bank Nordikip – Grønlandsbankitulli aalisagaqassuseq aalisartullu inuussutigisaat piffissami sivisuumi qularutigisimagaluarlugu umiatsiaararsortunut suli atukkiisarusuppoq.

- Imaanngilarli aalisartut tamarmik taarsigassarsitinneqarsinnaasut. Taarsigassarserusuttummi tamarmik ataasiakkaarlugit naliliiffigineqartarput. Bank Nordikimi pisortaq Àrni Ellefsen

Atortorissaarutit atornikkut pisiarineqartartut

Malik Storkip kontuni Grønlandsbankenimit nunatsinni bankip aappaanut nuunniarlugu aamma isumaliuteqarpoq.

- Massakkut suna tamarmi akisunermut, amerlanerpaat bankimut attartorlutik pitaartorsinnaasarmata, Malik Stork oqarpoq.

- Ullaaq siullermik Qeqertarsuarmiut oqaloqatigaakka. Taamatut ataatsimoorluta qanoq iliuuseqarniarsariniarluta, eqqaamiugut pissarsiariniarsariaqarlutigit.

Sisimiuni aalisartut ukioq manna qaammatini siullerni qulingiluani 809 tonsinik saarullinnik tunitsivimmut tunisipput. 2016-imi piffissami tassani aalisartut 3500 tonsit missaanniittut tunitsivimmut tunivaat.

AAMMA ATUARUK Grønlandsbanken umiatsiaraasortunut aningaasaliisarunnaartoq

Nunarput tamaat isigalugu saarullinnik tunisineq 2016-imi qaammatini qulingiluani siullerni 30.000-iusut ukioq manna 19.000 tonsiinnaapput. Tamanna procentinngorlugu 37 procentiuvoq.

Ilisimatuut saarulliit piniartut maannakkut aalisarsinnaasaagaluisa amigaataanerat ukiuni kingullerni maluginiarpaat. Tamannalu Bank Nordikip aamma maluginiarlugu.

- Aningaasatigut imminut napatittoqarsinnaappat uagutsinnut taarsigassarsiniartoqarsinnaavoq. Kisianni aningaasatigut imminut napatissinnaaneq isiginiaraangatsigu, inuussutissarsiut sunaagaluarpalluunniit, piujuaannartitsineq aallaavigalugu ingerlatsiviunersoq aamma isiginiartarparput, Àrni Ellefsen oqarpoq.