- GPS atorlugu sumiiffimmiit sumiiffimmukarnissarput ilikkarparput, inuilaarsuarmilu pingaartumik maani Kalaallit Nunaanni, qanoq iliorluta aniguisinnaanerluta ilikkagaqarfigingaatsiarparput, Rudi Fencker 23-nik ukiulik oqarpoq.

Taanna Qimusserlutik alapernaarsuillutik Siriusimik misiliinertik pillugu DR-imut oqaluttuarpoq, taanna ilinniartullu allat 26-t Kangerlussuarmi Issittumi Tunngaviusumik Ilinniarfimmi hold 2-meersut qaammatip aallartisimalernerani misiliiffigaat.

Qimussimik alapernaarsuisut Sirius Illersornissaqarfiup issittumi immikkut sungiusagartarivai, taakkua Tunup avannaani nunami allanngutsaaliukkami nakkutilliineq namminersortuunermillu atuutsitsineq pingaarnertut suliassarisarpaat. Tamanna 1950-imili aallartinneqarpoq.

Maani nunatsinni Danmarkimilu politikerit kalaallit amerlanerusut alapernaarsuinermi ilinniarnissaminnut qinnuteqarnissaat kissaatigaat.  

Taamaattumimmiuna Qimussimik alapernaarsuineq Sirius Issittumi Tunngaviusumik Ilinniarfimmi atuartunut atuartitsissutigineqartalertoq. 

Qimussimik alapernaarsuinermi Siriusimi pisariaqartinneqartut periutsit assigiinngitsut sapaatip-akunnerata ingerlanerani ilinniarpaat. Tassani ingasattumik nillortut qanoq isumagineqassanersut aamma qimmit qimuttut napparsimanersut qanoq misissorneqarnissaat ilinniarpaat, DR allappoq.

Qimussimik alapernaarsuisut Siriusimik aallarniineq, eqqarsaatersuuteqarnissamut ingerlatsinermut sivisunerusumut apriilimi naammassineqartussamut ilaavoq, tassani atuartut Illersornissaqarfiup neqeroorutigisinnaasaanik atorfinnut allanut assigiinngitsunut misiliiffigaat.

- Illersornissaqarfimmiiginnarusuppunga, holdillu tulliini oqaluttaareernerma kingorna sakkutuunut timmisartortartunut imaluunniit Qimussimik alapernaarsuisunut Siriusimut qinnuteqaratarsinnaavunga, Rudi Fencker DR-imut oqarpoq.