Siorna imigassaqarnerusoq: Naalakkersuisut imigassamut politikkissaat utaqqineqartoq

Siorna imigassaqarneruvoq. Naak naalakkersuisut ilungersunarluinnartoqarnera pillugu tusagassiortunik katersortitsisimagaluartut suli iliuuseqanngillat.

Allattoq Markus Valentin

marsip 06-at 2026 12:38

Nutserisoq Connie Fontain

Imigassamik eqqussuineq nunatsinniluunniit nioqqutissiorneq 2024-mut sanilliukkaanni siorna imigassaqarneruvoq.

Naatsorsueqqissaartarfimmit kisitsisit tamanna takutippaat.

Imigassamik 11,7 procentimik imigassaqarneruvoq. Immiaaqqat 5,9 procentimik ilapput, viinnit 14,2 procentimik ilanngarput.

Aamma atuaruk Naalakkersuisoq: Pissutsit ilungersunangaartut – imigassamik killilersuinerit suli eqqartorneqanngitsut

Imigassat tamaasa misissoraanni tassanilu imigassamik aalakkoornartortalimmik eqqussuineq nioqqutissiornerlu kisiat naatsorsoraanni taanna siorna 374 tusind literiuvoq.

Tamanna 2,9 procentimik imigassaqarneruvoq. Oqaluttuarisaanerli isigalugu imigassaq ilanngarpoq.

1996-imut tassa ukiut 30-t matuma siornanut sanilliukkaanni siorna imigassaq taamanernit 27,7 procentimik ilanngarpoq. Tassanilu 143 tusind literi nikingassutaavoq.

Maleruagassanik atuutsitsineq

Meeqqanut, inuusuttunut ilaqutariinnullu naalakkersuisuusimasoq, Maasi Pedersen (IA) tusagassiortunut juunimi katersortitsivoq.

Taassuma imigassamik atornerluineq meeqqat atugarliornerannut kiisalu imminut toquttoqartarneranut atassuserpaa.

- Unneqqarillunga oqaatigisariaqarpara uanga aamma eqqarsaatiginikuuara sukannersumik aqutsineq qaqugu pisariaqalissava? Killissaa sumiippa?, taanna tusagassiortunik katersortitsinermi oqarpoq.

TUSAANNGA

Kiserliorpit aamma oqaloqateqarnissannik pisariaqartitsivit?

Kisimiinngilatit. Piffissani inuunermi pisumiluunniit artornartorsiorfimmi, nammineq sapikkaminnik pisoqaraangat, inuit amerlanerpaat tusaaneqarnissartik pisariaqartittarpaat.

Tusarnaarnissamut piffissaqarpugut. Tusaanngap siunnersortai tusarnaartarput, ilungersuutivillu oqaasertalernissaanut ikiorsinnaallutit. Aamma illit inuuninni pissutsit artornartut qanoq iliuuseqarfiginissaanut sakkussannik tunisinnaavaatsit.

Oqarasuaatikkut siunnersuisarneq tassaavoq kinaassutsimik isertuussilluni illit siunnersuisullu akornassinni inuttut oqaloqatigiinneq, tassani oqaloqatigiinnerup imaa illit aalajangissavat.

Meeqqat, inuusuttut inersimasullu tamarmik oqaloqateqarnissamik allaqateqarnissamilluunniit pisariaqartitsisut Tusaannga attavigisinnaavaat. Tusaanngamut attaveqarneq kinaassutsimik isertuussisinnaaffiuutigaluni akeqanngilaq – aamma Tusassit imaqanngikkaluarpalluunniit sianersinnaavutit allallutilluunniit.

Telefon: 80 11 80

SMS: 1899

Tigusiffik: Tusaannga

Taanna peqqissutsimut inunnullu innarluutilinnut naalakkersuisoq, Anna Wangenheim (D) peqatigalugu tusagassiortunut oktobarimi katersortitseqqippoq.

Taakkulu imigassamut politikkissamut ‘Allannguinissamut piffissanngorpoq’ qulequtaqartumut innersuussutit nutaat 18-it tassani saqqummiuppaat.

Nalunaarusiami ilaqutariinnit meerartaqartunit qulinit sisamat imigassamik ajornartorsiuteqarfiusinnaasut ilaatigut nassuiaatigineqarpoq.

Aamma atuarukNuna tamakkerlugu imigassamut politikkimut inassuteqaat – pissutsit taamaaginnarsinnaanngillat

Tamatumali kingorna imigassamut tunngasut pillugit oqaluuserineqanngillat.

Sulisitsisut namminneq pisiniarfiillu immikkut ilisimasallit eqimattaanni innersuussuteqartuni peqataatinneqarsimanatik Sermitsiamut oqaatigaat.

Taakku imigassamut politikkimut nutaamut ilanngusserusupput, saniatigullu maannakkut siunnersuutigineqartut ajoqutissartaqartut oqaatigaat.

Aamma atuarukMads Pedersen naalakkersuisutut tunuartoq

Sulisitsisut ulluinnarni atortussanik niuertarfinni pisiassat imigassamik nioqquteqarnermit isertitat pissutigalugu ikinnerutinneqartut erseqqissaatigaa. Tamatumalu saniatigut KNI-mit Pilersuisoq imigassamik nioqquteqarnermut kisermaassisunngussagaluarpat imigassamik unioqqutitsisumik niuerutiginnittoqarnerulernissaa aamma ernumassutigaat.

Aamma imigassat tunineqartut amerlassusaasa ikilineri nunatta karsianut aamma sunniuteqassanerarpaat. Aningaasanut inatsisissatut siorna siunnersuut naapertorlugu 2027-mit 2029-mut isertitat 220 millionit koruuniunissaat naatsorsuutigineqarput.

Nalunaarusiami kisitsisit arlallit

9.-10. klassini atuartut 37 procentii aalakoorlutik misiliinikuupput
9.-10. klassini atuartut 22 procentii ulluni kingullerni 30-ni imigassartorsimapput.
Arnat inuusuttut 55 procentii angutillu inuusuttut 38 procentii 15-init 19-inut ukiullit imigassamik aalakoornartortalimmik ajornartorsiuteqaratarsinnaapput.
Arnat inuusuttut 27 procentii angutillu inuusuttut 32 procentii qaammammut ikinnerpaamik ataasiarlutik aalakoorniutigalugu imigassartortarput.
11-nik ukiullit 97 procentii 16-inillu ukiullip 54 procentii aalakuunngisaannarsimapput.
Innuttaasut inersimasut 35 procentii qaammammut minnerpaamik ataasiarlutik ernguttarput.