A/S Inissiaatileqatigiiffik INI eqqartuussiviit qullersaannut Højesteretimut suliassanngortitsinissaminut piareerpoq.
- Suliassanngortitsinissamut allakkat piareerput, ataasinngorpallu nassiutissavavut. INI-p pisortaa Kenneth Jørgensen oqarpoq.
Højesteretimulli suliakkiissut qaammatit qulingiluat aqqaneq-marlullu akornanni aatsaat qaangiuppata suliarineqarsinnaassasoq, pisortap naatsorsuutigaa.
Nuummi Atertarmiut Boligafdeling 181 Østre Landsretimut siorna suliassanngortitsigamik INI ajugaaffigaat. Østre Landsret taamani aalajangerpoq, ineqartut 1998-imit allaffissornikkut INI-mut akiliuteqarpallaartarsimasut.
Østre Landsretip aalajangiussaa Højesteretimit naqissuserneqassappat, INI 80 million koruunit 100 million koruunillu akornanni ineqartunut utertitsisussanngussaaq. Taamaalisoqassappat ineqartut allat aamma akiliisitsiniarsinnaalissapput.