Imigassartorneq ernguffiunngitsoq

Kalaallit Nunaanni imigassamik aalakoornartulimmik atuinerup annikillisimanera nuannaarutissaavoq. Kisianni silaarunnani aalakoorneq qulequtaralugu sapaatip 18-imi oqallittoqarnissaa, Peqqissutsimut naalakkersuisumit Agathe Fontainimit kaammattuutigineqarpoq.

Naalakkersuisut taamatut nalunaarnermikkut ujartorpaat imigassamik aalakoornartulimmik atueriaastsip isummeriaatsillu allanngortinneqarnissaat.

-Imigassamik atuinermi, iluamik atuinissamik, imerujussuarluni imertannginnissaq tassuunakkut angorusunneqarpoq, Agathe Fontain oqarpoq.

- Inuiaqatigiinni imigassamik atuinitsinni imeriaasitta allanngortinnissaa taavalu aamma isummeriaatsitta allanngortinnissaa tassuunakkut siunertaavoq. Tassami atuinermi, iluamik atuinissamik, imerujussuarluni imertannginnissaq tassuunakkut angorusunneqarpoq, Peqqissutsimut Naalakkersuisoq Agathe Fontaine sapaatip akunnera 18-imi silaarunnani aalakoorneq qulequtaralugu oqallissaarinermi siunertaq pillugu taama oqarpoq.

Sapaatip akunnera 18, nunatsinni imigassaq aalakoornartulik  imeriaaserlu immikkut qitiutillugit eqqartuisarfiusoq, Agathe Fontain nassuiaavoq. Kalaallit Nunaanni imigassamik aalakoornartulimmik atuineq annikilliartorpoq, tamannalu killilersuinerup iluaqutaaneranut takussutissaasoq, Peqqissutsimut Naalakkersuisoq isumaqarpoq.

- Tassa ullumikkut qujanartumik imigassamik atuinerput appariartorpoq, aatsaallu taama appasitsigilersimalluni. Taanna nuannaarutissaavoq. Tassuunakkut aamma peqqutaaqataasut paasisariaqarpagut, tassa ullumikkut periutsit. Ullumikkut periuseqarpugut ima: akit qaffasitsillugit aamma ammasarfiit killeqartillugit, Agathe Fontain oqarpoq.

Taanna aamma oqarpoq Peqqinnissaq pillugu nunarsuarmi suliniaqatigiiffiup WHOp nunani tamalaani misissuereernermini nalunaarusiaani ersersinneqartoq, imigassat aalakoornartullit akiisigut qaffasititsinerisigut, atuisinnaasinnaasullu ukiuisa killilersornerisigut imigassaarniarfiillu ammasarfiisa killilersuiffigineqarneratigut pinaveersaartitsineq tamanut sunniuteqarnerpaaq anguneqarsinnaasoq.

Agathe Fontainip erseqqissaatigaa Naalakkersuisut imigassanut aalakoornartulinnut sukaganerusunik killilersuilersaanngitsut, kisianni imeriaatsitta isummeriaatsittalu oqallisiginissaa kaammattuutigaat.

- Putumarujussuarluni putumasarneq peqqinnanngitsuuvoq, taamaammat tamatuma qimakkiartuaarneqarnissaa angorusunnartorujussuuvoq, Agathe Fontain oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat