Jess G. kommunip avinneqarnissaanut: Ilaasortagut illaatigineqartutut misigisimapput

SIK-mut ilaasortat, Ilulissani atorfimmi Aasiannut, Kommune Qeqertaliup angerlarsimaffigiligassaanut nuunneqarnissaanut angiinnarsimasut arlariipput. Oktobarimimi nalunaaruteqarneq imaappoq, naaggaarunik suliffitsik annaassagaat.

Kingornalu paasineqarpoq atorfeqartut arlariit Aasiannut, Kommune Qeqertalimmut nuunnissaminnut itigartitsimasut. Taakku kommunip aappaani nutaami, Avannaata Kommuniani, Ilulissaniittussami atorfinipput.

AAMMA ATUARUK Kommunep aningaasaqarnera imaassaaq

Jess G. Berthelsenip ilaasortami Ilulissani atorfitsik tigummiinnarsinnaagaat qujassuteqarfigalugu tusagassiutinut nalunaarunni aallartippaa. Qujassuteqarnerani aamma killeqarpoq:

- Ilaasortarpassuavut suliffeerunniannginnamik pinngitsaalineqartutut misigisimallutik Kommune Qeqertalimmut nuunnissaminnut akuersipput. Maannalu uukapaatinneqarsimasutut misigisimapput, ima eqqarsalerlutik: Akuersisimassanngikkaluarama, taava Ilulissaniiginnarsimassagaluarpunga.

- Tupinnanngitsumik maannakkut illaatigineqartutut misigisimapput, Jess G. Berthelsen allappoq.

AAMMA ATUARUK 11 kommunemedarbejdere takker nej til Aasiaat

Kommunip avinneqarnerata suliarineqarnera sulisut qaammatini arlaqartuni siunissaminnut qularlutik, tarnimikkut nanertisimassutigilermassuk, SIK-p aamma isornartorsiorpaa.

- Kommunip sulisut pineqartut paasissutissilluarnerusimasariaqaraluarpai kommunimut nutaamut nuunnissamik neqeroorut akuerigaanni naaggaaraanniluunniit tamanna qanoq kinguneqassanersoq, Jess G. Berthelsen allappoq.

AAMMA ATUARUK 22 ansatte skal flyttes til Aasiaat