Qaasuitsup Kommuniani sulisut Aasiannut nuukkusunngitsut
Qaasuitsup Kommuniani sulisut aqqanillit Aasiannut nuunnissamik neqeroorfigineqaraluartik periarfissaq atorusussimanngilaat. Sermitsiaq.AG. taama allaaserisaqarpoq.
Allattoq Bikki P. Kleist
Kommunimi atorfillit 21-t Kommune Qeqertalimmi atorfininnissamut neqeroorfigineqarsimagaluarput, taakkunanili maannamut sisamaannaat Aasiannut nuunnissamik akuersisimapput, nittartakkami tamanna allaaserineqarpoq.
Neqeroorfigineqartut suli akissuteqarsimanngitsut Aasiannut nuukkusunnerlutik imaluunniit nuukkusunnginnerlutik novembarip ulluisa 15-ianni nalunaareersimassapput.
Kommune Qeqertalimmut nuukkusunngitsut aqqaniliupput taakkualu Avannaata Kommuneani tassa Ilulissani qitiusumik allaffeqarfimmi atorfininnissamut neqeroorfigineqarsimasut, Qaasuitsup Kommuniani pisortaaneq ilisimatitsivoq.