Politikki

URAN ICC: Uranimik piiaanissaq pillugu nunatsinni innuttaasut aalajangeeqataassapput

Inuit Issittormiut Siunnersuisoqatigiiffiat ICC uranimik piiaasinnaanissamut taasisitsisoqarsinnaanissaanut oqallinnermut maanna akuliuppoq.

Allattoq Mads Lynge

februaarip 15-at 2016 15:47

Urani pillugu taasisitsisoqarnissaanik kissaateqartut ICC-p Kalaallit Nunaanni immikkoortortaqarfianit tapersersorneqarput:

- Uranimik piiaanissaq pillugu paasissutissiinerit tunngavigalugit nunatsinni innuttaasut aalajangeeqataanissaminni isummernissaminnut taasitinneqarnissaat ICC Kalaallit Nunaannit inassutigineqarpoq, ICC Kalaallit Nunaanni siulittaasoq Hjalmar Dahl oqarpoq.

Aamma atuaruk IA-p isornartorsiunera Qujauktisup tunngavissaqannginnerarpaa

Oqaatsit "Free Prior and Informed Consent", Nunat inoqqaavisa pisinnaatitaaffii pillugit Naalagaaffiit Peqatigiit nalunaarutaanni, 2007-imeersumi, atorneqarnerat, Hjalmar Dahl oqarpoq, tamannalu ima paasineqartussatut oqaatigalugu: Innuttaasut kiffaanngissuseqartumik, sioqqutsisumik paasissutissiinernillu tunngaveqartumik pilersaarutaasunut annertunerusunut akuersisinnaanersut siunertaralugu taasisitsinikkut peqataatinneqarnissaat:

- Uranimik piiaaniarneq pilersaarutaavoq annertooq aporaaffioqisorlu, taamaammallu innuttaasunik taasisitsinissamut periarfissap atorneqarnissaa kingusinaanngilluinnarpoq. Taamaaliornerlu tassaavoq innuttaasut oqartussaaqataatinnissaannut aqqutissaqqinnerpaaq, Hjalmar Dahl oqarpoq.

Aamma atuaruk Steen Lyngep siunnersuutini tunuartippaa

Aamma atuaruk Steen Lynge: Uranimut naaggaarluinnarneq taasissutigineqassanngilaq

Aamma atuaruk Nunarput Danmarkilu uranisiornissamik aqqutissiuussinerarlugit IA Avatarlu isornartorsiuisut