URAN IA-p isornartorsiuinera Qujaukitsup tunngavissaqannginnerarpaa
- Suliassaqarfinni Nunatta tigoriigaanni suliassanik aalajangersimasunik tunniusseqqinneq, soorunami akuerinngilarput, Nunatta Danmarkillu uran pillugu isumaqatigiissutaannut Sara Olsvig siornatigut isornartorsiuivoq.
Aamma atuaruk Illuatungiliuttut: Urani pillugu isumaqatigiissut kinguarsaataassaaq
Tamannali Vittus Qujaukitsumit isumaqatigineqanngilaq.
- Naalakkersuisut Namminersornermut inatsimmut akerliusumik isumaqatigiissusiorneq ajorput, Namminersornermullu inatsit naapertorlugu Nunatsinnit akisussaaffiit tiguneqareersut utertinneqarneq ajorlutik, Vittus Qujaukitsoq allappoq, Sara Olsvigillu isornartorsiuinera tunngavissaqannginnerarlugu.
- Uran pillugu isumaqatigiissutini, Namminersornermut inatsimmi aatsitassanullu inatsisimi Sara Olsvigip tusagassiuutinut saqqummiussaa tunngavissaqanngilaq, Vittus Qujaukitsoq allappoq.
Aamma atuaruk Urani pillugu isumaqatigiissut IA-p immikkullu ilisimasallip isumaqatigiinngissutigigaat
Dual-Use productinik taaneqartut isumaqatigiissutigineqarneri Sara Olsvigip ingammik ernumassutigai.
Nioqqutissat Dual-Usemik taagorneqartut tassaapput nioqqutissat sakkuliarineqarsinnaasut.
Taakkulu avammut tunineqarneri Danmarkiminngaanniit akisussaaffigineqassasoq, Nunatsinnit Danmarkimiillu ilaatigut isumaqatigiissutigineqarpoq.
- Isumaqatigiissummilu tassani toqqaannartumik allassimavoq, atortussianik Dual-Usemik teknologimillu avammut tunniussinissaq pillugu qinnuteqaammut akuersissummik imaluunniit itigartitsissummik tunniussisoqarsinnaanera, danskit ehvervstyrelsianut akisussaaffik tunniunneqartoq, Sara Olsvig siornatigut oqarpoq.
Aamma atuaruk Randi: Urani pillugu isumaqatigiissut pingaartorujussuuvoq
Vittus Qujaukitsulli isumaqatigiissutigineqartut illersorpai.
- Nioqqutissat Dual-Usemut atasut avammut tunineqarneranni Naalagaaffiup Danmarkip nunat tamalaat akornanni nakkutilliinermut pisussaaffii eqquutsinniarlugit taama ataatsimoorluta nalunaaruteqarpugut, Vittus Qujaukitsoq allappoq, nangillunilu.
- Sakkussianik ajoquseerujussuarsinnaasunik siaruarterinissaq pinngitsoortitsiniaanermut peqqarniisaarnianillu akiuunnermut Naalakkersuisut tamakkiisumik tapersersuipput, Vittus Qujaukitsoq allappoq.
Aamma atuaruk Uranimik avammut nioqquteqarneq Danmarkip akisussaaffigissavaa