Politikki Inuussutissarsiutit

URAN Urani pillugu isumaqatigiissut IA-p immikkullu ilisimasallip isumaqatigiinngissutigigaat

Uranimik isumaqatigiissuteqarnikkut Kalaallit Nunaata nammineerluni aalajangersinnaatitaanini allanut tunniutinngilaa. Taama inatsisileritooq Kalaallit Nunaata pinngortitami pisuussutaanut inatsisinik suliaqartoq naliliivoq.

Allattoq Helle Nørrelund Sørensen

februaarip 11-at 2016 05:16

Nutserisoq Gâbánguak Bidstrup

Urani pillugu isumaqatigiissutit Namminersorneq pillugu Inatsimmi kinguariarfiusut Inuit Ataqatigiit isumaqaraluarput.
Oqartussaaffik tigoreersimasarput allamut tunniupparput, Sara Olsvig uranimik isumaqatigiissutit pillugit taama oqarpoq.

Tamannali eqqunngitsoq, inatsisileritooq Københavnip Universitetianeersoq, Kalaalillu Nunaanni pinngortitami pisuussutinik qalluineq pillugu inatsimmik ilisimatusartoq oqarpoq.

- Naagga, matumani Kalaallit Nunaat oqartussaaffimmik tunniussinngitsoq isumaqarpunga. Taamatut eqqarsarneq eqqortuunngilaq. Namminersornermimmi aaqqissuussinermi nunanut allanut sillimaniarnermullu apeqqutit Danmarkip aallaqqaataanilli tigummiuaannarpai.

Aamma atuaruk VIDEO Uran pillugu Danmarki akisussaaffeqassaaq

Aamma atuaruk VIDEO Nunarput Danmarkilu Urani pillugu isumaqatigiipput

Kalaallit Nunaata aatsitassanik sakkussiornermut atorneqarsinnaasunik kikkunnut avammut nioqquteqarsinnaanera Danmarkip akisussaaffigilermagu, Kalaallit Nunaat oqartussaaffimmik annertuallaamik Danmarkimut tunniussisoq, IA isumaqarpoq. Tamannalu Danmarkip naalagaaffeqatigiinni tamarmiusumi nunanut allanut sillimanarnermullu politikimik akisussaasuunerpa pissutigalugu pivoq. Aatsitassalli suut isumannaallisaanermut attuumassuteqarsinnaaneraat allanngorarsinnaavoq.

- Suulli nunanut allanut isumannaallisaanermut attuumassuteqarsinnaanerat oqallisigilluarneqarsinnaavoq.

Naallu Kalaallit Nunaat aatsitassanik eqqissinermuinnaq siunertaqartunik tunisaqarnissamik kissaateqaraluartoq, taamaattoq tuniniaaneq naalagaaffeqatigiinnut tamarmut sunniuteqarsinnaavoq.

Aamma atuaruk VIDEO Randi: Urani pillugu isumaqatigiissut pingaartorujussuuvoq

Aatsitassammi suut isumannaallisaanermut tunngasutut isigineqartuunerat, nunarsuarmi pissutsit qanoq innerat apeqqutaatillugu allanngorarsinnaasarpoq.

Danmarkilu assersuutigalugu Kinamik, ilaatigut aatsitassanik aqutigoortunik nunarsuarmi pisortornerpaasumik, saqitsaassuteqalersillugu, kalaallit aatsitassanik taakkununnga tunisisarnerat naalagaaffeqatigiinnut tamanut isumannaallisaanikkut aarlerinartorsiortitsilersinnaavoq.

- Nunammi ataatsip nunarsuarmi niuerneq taamatut kisermaappallaarpagu, aatsitassaq taamaattoq isumannaallisaanermut attuumassuteqalersinnaavoq. Taamaanneranilu tamanna soorunami Danmarkimut pingaaruteqalersarpoq, taamatullu aamma isumannaallisaanermut nunanullu allanut politikikkut pingaaruteqalersarluni.

Aamma atuaruk Urani pillugu taasisitsisoqassanersoq apeqqutigineqarpoq