URANI Urani pillugu taasisitsisoqassanersoq apeqqutigineqarpoq
Steen Lyngep apeqqutini ilaatigut tunngaveqartinneqarnerarpaa, aalajangiinerit inuiaqatigiinnut pingaaruteqartut pitinnagit, pingaaruteqartoq innuttaasut peqataatinneqarnissaat. Taamatummi periaaseqarneq tamat oqartussaaqataanerannik tunngaviusut pingaarnersat ilagaat. Nunatsinni tamat oqartussaaqataanerat nutaajuvoq, taamaammat pingaaruteqarpoq, apeqqutini inuiaqatigiinni pingaartinneqartuni innuttaasut peqataatinneqarnissaat qulakkiissallugu, ingammik apeqqutini isummanik assigiinngitsunik pilersitsisinnaasuni. Aalajangiinerit sioqqullugit innuttaasut akornanni oqallitsitsinerit pilersinneqarsinnaanissaat taamatut suleriaaseqarnikkut qulakkeerneqassaaq.
Atassut kingullermik qineqqusaarnermini aatsitassanik uranitalinnik piiaanissat aallartinneqarsinnaanerat sioqqullugu, innuttaasut taasisitsinikkut tusarneqarnissaat anguniassallugu neriorsuuteqarpoq, Steen Lynge allappoq.
Aamma atuaruk Illuatungiliuttut: Urani pillugu isumaqatigiissut kinguarsaataassaaq
Innuttaasummi uranisiornissamut nuna tamakkerlugu taasitinneqarnissaannut maanna, qanoq akeqassanersoq paaserusuppaa. Tamannalu taasisoqannginnerani, Atassutip Inatsisartunut upernaamut siunnersuuteqannginnermini paasisaqarfigerusullugu.
Pinngortitamik illersuisut, naalakkersuinikkullu suliniaqatigiiffiit uranisiornissat pillugu taasititsinissamik kissaataat apeqquteqaammi aamma naapeqatigiiffigerusuppaa.
Aamma atuaruk Randi: Urani pillugu isumaqatigiissut pingaartorujussuuvoq
Tassunga atatillugu Naalakkersuisullu nutaat taamaaliorniarpasinngillat.
Juullinngilaataa kalaallit nunanillu tamalaaneersut kattuffiit qulingiluat tusagassiummi ataatsimoortumi Naalakkersuisut neriorsuutitik eqquutissimanngikkaat oqatigaat.
- Tusagassiuutsinut nalunaarutitsinnut politikkikkut qisuariartoqanngiivippoq. Akerliusoqanngilarluunniit, pilersitseqataasut ilaat, Mikkel Myrup suliniaqatigiiffiup Avatap siulittaasua sermitsiaq.ag-imut isornartorisuinermut akulluni oqarpoq.
Aamma atuaruk Uranimik avammut nioqquteqarneq Danmarkip akisussaaffigissavaa