URANI Uranimik avammut nioqquteqarneq Danmarkip akisussaaffigissavaa
Aamma kikkut assartuisuussanerat Danmarkimit naggataatigut aalajangerneqartassaaq. Tamatumunngali qinnuteqaatit tamaasa pillugit Namminersorlutik Oqartussat tusarneqartassapput.
Taava avammut tuniniaanermik nakkutiginninneq nunatta Danmarkillu ataatsimoorullugu akisussaaffigissavaat.
Inatsisissatut siunnersuutinik, piiaavimmik uranimik saniatigut piiaaffiusumik ammaasoqarpat ammaasoqassagaluarpalluunniit, uran nunatsinniit nunarsuarmi allanut qanoq assartorneqartarnissaanik sinaakkusiisunik, Inatsisartut Folketingilu upernaaru suliaqassapput.
Aamma atuaruk VIDEO Uran pillugu Danmarki akisussaaffeqassaaq
Aamma atuaruk Nunatta Danmarkillu uranimik avammut niuernissaq isumaqatigiissutigaat
Danmarkimilu inuussutissarsiornermik aqutsisoqarfik qullersaasutut oqartussaassuseqartuussaaq.
Namminersorlutik Oqartussat danskillu ministereqarfiisa arlallit uran pillugu isumaqatigiissutaasa tamanna ersersippaat, taakkualu danskit nunanut allanut tunngasunut ministereqarfiata Namminersorlutik Oqartussat aamma tamanut ullumi saqqummiuppaat.
Ilaatigut piiakkanik uranitalinnik arlariinnut atorneqarsinnaasunik assartuisarnissamut qinnuteqaatit Danmarkimi inuussutissarsiornermik aqutsisoqarfiup suliarisassavai.
Uranitallit arlariinnut atorneqarsinnaasut tassaapput, angerlarsimaffinnik atorneqarsinnaasutut siunertat aamma atortorissaarusianik inerisaaneq, atombombit tamakkununnga ilaallutik.
Aamma atuaruk VIDEO Uran pillugu Danmarki akisussaaffeqassaaq
Aamma atuaruk Uran pillugu mianersortoqarnissaa Olsvigip nalunaarutigeqqippaa
Kisianni Namminersorlutik Oqartussani inuussutissarsiornermut, sulisoqarnermut niuernermullu Naalakkersuisoqarfik uranimik avammut tuniniaanissamut tunngassuteqartunik qinnuteqaatini tamani tusarneqartassaaq, uranimillu nunatsinniit avammut tuniniaanermi ulluinnarni nakkutilliineq nunatsinnit Danmarkimillu avillugu akisussaaffigineqassalluni.
Tamatumannga nunatsinni ilanngaaserisut suliaqartuussasut, isumaqatigiissutini ersippoq.
Aamma suliffeqarfiit nunatsinniittut sorliit oqartussanit nakkutigineqartunut ilaassanersut, namminersorlutik Oqartussat aalajangertassavaat.
Kisianni qinngualanertalinnik assartuineq pillugu nunat tamalaat akornanni isumaqatigiissutinik Danmark atsiugaqartuugami, isumannaatsumik assartuisoqarnissaanut Danmark naggaterpiaani akisussaasuussaaq
