IA: Tuluit nunatsinnut pingaaruteqarput
Nunarput nunanut EU-mut ilaasortanut, soorlu Tuluit Nunaannut, killilersugaanngitsumik aalisakkanik niueqateqateqarsinnaavoq.
Aalisagaatitsinnik pisisartut ilaat, tassa tuluit nunaat, EU-miit aniniarlutik aalajangernikuupput. Taamaammat nunatta tuluit nunaannut qanilaarnerata attatiinnarneqarnissaanut pissutissaqarluartoq Inuit Ataqatigiit siulittaasuat isumaqarpoq.
- Tuluit niueqatigilluarnissaat Kalaallit Nunaannut pingaaruteqarluinnarpoq nangittumillu Nunatsinnit tamanna suliniutigisariaqarparput, Sara Olsvig tusagassiutinut oqarpoq.
Taassuma nunat avannarliit allat peqatigalugit oqariartuuteqarnissaq pingaartippaa.
Inuit Ataqatigiit siulittaasuata taama oqarnera partiit saamerliit nunani avannarlerneersut ataatsimoorlutik oqariartuuteqarneranni pivoq.
- Niuernermut tunngasuni, ilinniarnikkut paarlaasseqatigiittarnernut tunngasuni nunanilu pineqartuni innuttaasut kissaatigisartik naapertorlugu najugaqarsinnaanissaannik, sulisinnaanissaannillu killilersuisoqannginnissaa isumannaarusupparput, nunani avannarlerneersuni saamerliit partiianeersut arfineq marluk oqarput.
Aamma atuaruk Brexit Tuluit Nunaannut akisussasoq
Aamma atuaruk Tuluit Nunaat EU-mut ilaasortaajunnaassappat Nunatsinnut sunniuteqarsinnaasoq