Brexit Tuluit Nunaannut akisussasoq
![](/sites/default/files/styles/image_934x467/public/article_images/27198828090_ea4da12c71_o.png?itok=pU1TD_3U)
Tuluit aalisakkanik nioqqutissiaannik avammut tunisassiorfissuit tallimaapput, taakkunanngalu sisamat EU-mi ilaasortaapput.
Tuluit Nunaat EU-mit ilaasortaajunnaarpat aalisakkanik nioqqutissiat annissorneqarnerisigut akitsuuserneqartalersinnaasut, nutaarsiassaqartitsivik allappoq.
Aamma atuaruk Tuluit EU-mit aniumanerannut qallunaat oqaasertaliineri
Aamma atuaruk Tuluit Nunaat EU-mut ilaasortaajunnaassappat Nunatsinnut sunniuteqarsinnaasoq
- Nuna EU-mi niuerfimmi akitsuuserneqartalersinnaavoq, tamannali oqaatigissallugu siusittoq, Naalagaaffiit Peqatigiit inuussutissarsiornermut Nunalerinermullu immikkoortortaqarfiani pisortaq Audun Lem, Bloombergimut oqarpoq.
Kapisillit Tuluit Nunaanneersut, Skotlandimi nioqqutissiarineqarnerusartut, avammut tunisaalluarnerpaapput, 4,7 milliard koruuninik ukiut tamaasa isertitaqartarlutik.