Hvideruslandimi akerliussutsimik takutitsisorpassuit tigusarineqartut
Hvideruslandimi akerliussutsimik takutitsisaqattaarnerit suli ingerlapput. Minskimi akerliussutsimik takutitseqataasorpassuit politiinit tigusarineqartut nutaarsiassaqartitsivik Reuters allappoq.
Hvideruslandimi præsidenti Aleksandr Lukasjenko akerliussutsimik takutitsisut hunnorujulikkaat tunuaqquaat.
Peqataasut amerlanersaat arnaapput.
- Puiorunnanngilagut ! Isumakkeerinnikkunnanngilagut !, akerliussutsimik takutitsisut allagartarsualiaasa ilaat taama oqaasertaqartoq nutaarsiassaqartitsivik dpa allappoq.
Akerliussutsimik takutitsisut politiinit assersorneqarnerminni sivikitsumik aporaatileraluarput. Taamaattoqarmat politiit peqataasunik tigusarinnitsiterput takunnittoq nutaarsiassaqartitsivimmut Reutersimut oqarpoq.
Nunanit tamalaanit isornartorsiorneqaqisoq
Lukasjenkop sillimaniarnerup tungaatigut pissaanermik ingasaassilluni atuinera nunanit tamalaanit isornartorsiorneqarpoq
Hvideruslandimi augustip qulingiluaani qinersisoqareernerata kingorna sapaatit akunneri naaneri tamakkiallugit akerliussutsimik takutitsisoqarpoq.
