Hans Hedtoftip umiiarneranit ukiut 60-inngornerat oqaluffinni eqqaaniarneqassasoq

Hans Hedtoftimi ilaasut inuttallu 95-it umiarsuaq Nunap Isuata avataani 1959-imi januaarip 30-an ikivimmat tamakkerlutik ajunaarput.

Ajunaarneq Nuummi eqqaaniarneqassaaq, Nuup Bussii Hans Egedep oqaluffianit eqqaassutissamut Sømandshjemmip eqqaaniittumut nal. 13.20 angallassissapput, tassanilu kransiliisoqassaaq eqqaaniaasoqassallunilu. Hans Egedep Oqaluffiani nal. 14.00 eqqaaniaallu naalagiaqatigiittoqassaaq, tassanilu biskoppi Sofiannguaq Petersen oqaluussisuussalluni.

AAMMA ATUARUK Hans Hedtoftip umiiarneranit ukiut 60-inngornerat Holmens Kirkenimi malunnartinniarneqassasoq

Umiarsuup kivineranit ukiut 60-inngornerannut atatillugu Københavnimi aamma eqqaaniaasoqassaaq. Tamanna Holmens Kirkemi pissaaq, Hans Hedtoftimillu ilaasunut qimagaasut ilaasa kissaateqarnerat malillugu provst Ejgil Bank Olesen naalagiartitsissaaq. Ejgil Bank Olesen KNR-imit qaammammi uani siusinnerusukkut apersorneqarluni ima oqarpoq:
- Eqqaaniaalluni naalagiartitsinerit pingaaruteqartupilussuusoraakka. Toqusut eqqaaniaannarnagit – soorunami aamma tamanna pingaarpoq – alisunnerli, annilaanganeq neriuutaarunnerlu pigineqarsimasut pillugit. Tassalu pisimasut akuerineqaqqullugit.

AAMMA ATUARUK Umiarsuaq nanineqassaaq

Hans Hedtoft iluliamut apornermi kingorna Nunap Isuata avataani kivivoq.

Nunatsinni Danmarkilu ilaqutariippassuit ajunaarnermi annaasaqarput, taakkulu ilagaat politikeri, taalliortoq atuakkiortorlu Augo Lynge.

Ajunaarneq nunatsinni Danmarkimilu politikkikkut perulluliuutaangaatsiarpoq, umiarsuaq naalagaaffimmit sanatinneqarlunilu akiligaammat, ukiukkullu imaatigut angalasoqartarnera umiarsuit naalagaasa ilaannit taamani nunatsinnut ministeriusumut mianersoqqussutigineqarsimammat.

Ajunaarnerup pissutaanut akisussaaffik inissinneqanngisaannarpoq.

AAMMA ATUARUK Hedtoftip umiiarnera politikkikkut mamminanartuliatut taagorneqalerpoq

Ansvaret for ulykken er dog aldrig blevet endelig placeret.