Greenland Express ukiormanna timmisartuussissanngilaq
Greenland Express angalaniarlutik billetsisimasunut ima allagaqarpoq:
"Asasavut Greenland Expressimut ilaallutik angalasussat,
Ajuusaarutigeqisatsinnik nalunaarutigissavarput Danmarkip Kalaallit Nunaatalu akornanni timmisartuussinissat tamaasa taamaatittariaqaratsigit. Tamannalu tunngavigalugu angallanneqarnissamik neqeroorut uatsinnit pisiarisimasat ajoraluartumik tunniussinnaanngilarput".
AAMMA ATUARUK Greenland Expressip angalanissat maangaannartippai
Greenland Expressip tusagassiorfinnut nalunaarutaa taama oqaasertarpoq, billetsisisimasullu akiliutaat aningaaserivinnit imaluunniit kreditkortinik kiffartuussivinnit billetsimik pisinermi atorneqartunit toqqaannartumik piaarnerpaamik utertinneqassasut aamma nalunaarutigineqarpoq.
Timmisartortitseqatigiiffik angalaniarlutik billetsisisimasut taamaatitsiinnarnermit eqqugaasut ajuusaarfigai aammalu allalluni qanoq pisoqarnissaa kingusinnerusukkut sukumiinerusumik nalunaarutigineqarumaartoq.
AAMMA ATUARUK Greenland Express Atuisartut siunnersuisooqatigiivisa misissuiffigigaat
AAMMA ATUARUK Greenland Expressip taamaatitsineri Atuisartut siunnersuisoqatigiivini ulapaartitsisut
AAMMA ATUARUK Greenland Express kinguartitseqqittoq