Politiit ullormut nalunaarutaat: Arnaq Facebookikkut 5.000 koruuninik peqquserluffigineqarsimasoq
Arnaq peqquserluffigineqarsimalluni politiinut nalunaaruteqarpoq.
Arnaq Facebook aqqutigalugu inisimaffigisinnaasaminik nassaarnasoraluni attartortitsisussamut akiliisimavoq, akileereeramili attartortitsiniartoq attaveqarfigisinnaajunnaarsimavaa.
- Arnaq kontomut 5.000 koruuninik nuussimmat, attartortitsiniartup Facebookikkut quppernera nassaassaajunnaarsimavoq, Kalaallit Nunaanni Politiit sillimasuisa pisortaat Aputsiaq Hansen oqarpoq.
- Kina peqquserluttuliorsimanersoq suli paasinngilarput, misissorparpulli.
- Inuit attaveqaqatigiittarfiisigut pisissagaanni peqquserluffigineqarsinnaanissaq mianersuunneqartariaqarpoq, taanna oqarpoq.
Ernumasorpassuit nalunaarutiginnittut
Sillimasut pisortaata inuit qanigisatik ernumagalugit politiinut ulluni makkunani siarnguttoqarnera oqaatigaa.
Taamaattumik piniariartartunut tamanut kaammattuuteqarpoq.
- Kingusinaassagaangavit qanigisatit paasitittakkit.
Inuillu ernumasut toqqissisimanngitsulluunniit politiinut sianertuaannarsinnaanerat erseqqissaatigalugu.
