Puisit amii: GG aamma KNAPK Nuummi tunitsiveqalerusupput

- Tassunga pissutaanerpaagunarpoq,  Maniitsumit Qeqertarsuup tunua tikillugu saarulliit takkusimaarsimanerat, ilaasortagut arlallit puisinniarneq tunullugu, saarullinniarnermut saannikuugamik, 
KNAPK-mi siunnersorti Bjarne Ababse Lyberth taama oqarpoq 
Kalaallit Nunaanni tamarmi  2014-mi puisit amii tunineqartut 50.519-iupput.  siorna 24.586-unut ikileriaangaatsiarlutik.

Puist amiinik tunisinerup ikiliariarnerannut piniartut sumiiffiit ilaani amernik tunitsivissaaleqinerat  KNAPK-mit pissutaatinneqarpoq.  

- Illoqarfinni anginerni Nuummi aamma Ilulissani amernut tunitsiveerunnikuugami, Bjarne Ababse Lyberth oqarpoq. 

AAMMA ATUARUK Puisip amii tunisat ikileriangaatsiarput

 Nunatta ammeriviani Greet Greenlandimi, Nuummi amernik tunitsiveqannginnera uggorineqarpoq. 
 -Nuuk nalunngilarput aamma puiserpassuaqarrpoq. Aamma tunitsiveqarallarmat qaffasissorujussuarmik tunioraasoqartarpoq. Nuuk eqqarsaatigissagaanni inissaqarniarneq erloqinarami. Inissamik attartugassamik pissarsiniarneq ilungersunarami,  Great Greenlandimi  pisortaagallarpoq Preben Møller taama oqarpoq. 

Nuummilu soorlu containerimik tunitsiveqalersinnaanera Kommuuneqarfik Sermersooq Namminersorlutillu Oqartussat suleqatigalugit ingerlanneqarmata aaqqiisutaasinnaasasoq Preben Møllerimit neriuutigineqarpoq.

-Iluarsiissutaasinnaasunik eqqartuinerit aallartinnikuupput. Neriuutigeqaarput. Massakkut misissuinerit ingerlapput tunitsiveqarallarsinnaaneq sulissutigineqarluni ingerlavoq massakkut, Preben Møller oqarpoq.

Puisit amiisa tunineqarneqartut ikileriangaatsiaraluartut, saarullinnik tunuisineq qaffariangaatsiorpoq. 
2017-mi saarulliit tunineqartut 36.500 tonsiupput.   2014-mut sanilliullugit 15.000 tonsinut ikileriarlutik.