Puisip amii tunisat ikileriangaatsiarput
Puisip amiinik tunisat ukiuni sisamani affaanik ikileriarsimapput naatsorsueqqissaartarfiup kisitsisaataani erserpoq.
Allattoq Kenneth Elkjær
2017-imi puisit amii tunisat 25.000-upput tamannalu 2014-miit 25.000-inik ikileriarneruvoq.
Taamani ukiup ataatsip iluani ammit 50.000-it 16,3 millioninik nalillit niuffatigineqarput.
Puisit amii 2017-imi tunisat nalingi 7 millioninut apparsimapput. Naatsorsueqqissaartarfimmiit kisitsisit takutippaat annermik aataat natsiillu pisarineqartartut, nunatsinnilu Tasiilami nunaqarfiit tunisassiornerpaasut. 2017-imi ammit 6331 niuffatigivaat.