Frankrigimi qinersinermi kisitsisit siulliit takutippaat Macron ajugaasoq
Frankrigimi præsidenti Emmanuel Macron præsidentimut qinersinermi ajugaavoq.
Qinersivinni qinersisut kisinneqarneranni kisitsisit siulliit tamanna takutippat, Frankrigimi qinersiviit franskit nalunaaqutaat malillugu arfineq pingasunut matunerisa kingorna.
Frankrigimi tusagassiorfiit angisuut naatsorsuinerat naapertorlugu Macron qinersisut 58 procentiannit qinerneqarpoq, unammillertaalu Marine Le Pen qinersisartut 42 procentiannit qinerneqarluni.
Qinersivinni kisitsisit siulliit saqqummiunneqarnerisa kingorna Emmanuel Marcronip partiiata allaffeqarfiani Parisimiittumi nuannanneqarpoq Le Pengip illersortai pakatsisut.
Frankrigimi præsidentimut qinersinermi kisitsit tamakkiisut ullaassaru piareernissaat naatsorsuutigineqarpoq.
Marine Le Penip ajorsarnini nassuerutigereerpaa, taamaaliorporlu qinersinermi kisitsisit siulliit saqqummiunneqarnerisa kingorna Emmanuel Macronip ajugaanera paasineqarmat oqalugiarami.
