Finlandip Sverigemit siulliulluni ilaasortanngorsinnaanissaa NATO-p qullersaata ammaffigigaa
![](/sites/default/files/styles/image_934x467/public/2023-02/20230214-090723-l-5808x3872ma.jpg?itok=74ecM3fn)
Finlandip Sverigemit siulliulluni nunat killiit illersoqatigiiffiannut NATO-mut ilaasortanngorsinnaanissaa, NATO-p qullersaata Jens Stoltenbergip ammaffigaa.
NATO-p Bruxellesimi qullersaqarfiani marlunngornermi ataatsimiittoqannginnerani taama oqarpoq. Finland Sverigelu ataatsimeeqataassapput.
- Finland Sverigelu ataatsimut ilaaasortanngornissaat pingaarnerpaanngilaq. Marluullutilli ilaasortanngornissamut akuersissutigineqarnissaat pingaarnerulluni. Tamannalu piaarnerpaamik pisinnaanissaa, Jens Stoltenberg oqarpoq.
Nunat marluk taakku NATO-mut ilaasortannguinnissaat qularutiginagu taassuma ilimagilluinnarpaa.
Tyrkia Sverigep NATO-mut ilaasortanngorsinnaanissaanut akuersinissamut maannakkuugallartoq tunuarsimaarpoq. Sverigemi akerliussutsimik arlaleriarluni takutitsisoqareersorlu, Tyrkiap præsidentiata Recep Tayyip Erdoganip Sverigemut isiginneriaasia ajornerulersimasutut isikkoqarpoq.