Finland kisimi NATO-mi ilaasortanngornissi kissaatiginngikkaa
Sverige peqatigalugu NATO-mut ilaasortanngornissaq Finlandip kissaatigigaa, finlandimiut nunanut allanut tunngasuni minsteriat Pekka Haavisto ullumi ataasinngornermi oqarpoq.
Finland kisimi NATO-mut ilaasortanngornissaa akuerisinnaallugu, Tyrkiap præsidentiata Recep Tayyip Erdoganip sapaatit akunnerata naanerani oqalugiarami oqaatigaa.
- Finlandip Sverigellu ataatsimoorlutik NATO-mut ilaasortanngornissaq Finlandimit kissaatigisorujussuugatsigu erseqqissaatigissavarput, Haavisto Finlandimi nunanut allanut tungasunut ministereqarfimmi tusagassiortunik katersortitsinermi oqarpoq.
AAMMA ATUARUK Svenskit ministeriunerat: NATO-mut ilaasortanngornissarput allaninngarnit pingaarneruvoq
- Illersornissaq isumannaallisaanerlu pillugu politikkimi Finlandip Sverige qaninnerpaamik suleqatigaa.
Finlandip isummani allanngortinngilaa NATO-mmi nunallu NATO-mi ilaasortat oqaatigeernikuuaat tamanna qanoq pingaartigisoq, Haavisto oqarpoq.
Kurderit peqqarniisaarniat Sverigemit illersornerarlugit Erdoganip Sverigemut pasilliuitiginikuuaa, taammaattumillu Sverigep NATO-mut ilaasortanngornissaa Erdoganip tapersersunngilaa.