Enoksenip pisassiissutinik ilanngartuinera GE-p SIK-llu isorigaat
Aalisarnermut naalakkersuisup Hans Enoksenip avataasiortunut aalisagartassiissutit 10 procentinik ikilisinneqarnissaannik aalajangernerata kingorna taama isornartorsiuipput.
AAMMA ATUARUK Pisassiissutit sinerissap qanittuani aalisartunut ammaakkusukkai
Taamatullu aalajangernera kilisaassuarnut taakkunanilu inuttanut, GE SIK-lu naapertorlugit, 1.400-t missaanniittunut eqquissaaq.
Inuttat akissarsiaat ikilisinneqarnerinik kinguneqassaaq inuttallu 150-t missaanniittut ikinnerpaamik qaammat ataaseq sulifissaaleqiklernerannik kinguneqassalluni, GE SIK-lu taama naliliipput.
Tamatumunngalu peqatigitillugu aalisakkanik suliffeqarfissuit marluusut nunatta karsianut tunniuttaagaasa sisamararterutaata missaanik annaasaqarnissaq Enoksenip arajutsisimavaa.
- Hans Enoksenip aalajangiinera piffissaq ungasissoq isigalugu napaannarsinnaanermut ulorianartorsiortitsivoq aammalu eqqorneqarluni aalisariutini sulisut naammaginartumik isertitaqarsinnaanerat, taakkumi inuuniutaat mangiarneqalerpoq, SIK aamma GE taama allapput.
AAMMA ATUARUK Suliffissat aningaasatigut annaasaqaatinit pingaarnerupput