Efterskolemik naammassinngitsoortartut Peqatigiiffik Kalaallit Meerartaannit iklisinneqarsinnaapput

Peqatigiiffiup allattoqarfiani pisortaq naapertorlugu, kalaallinut Danmarkimi efterskolertunut attaveqaqatigiinnik "Allu"-mik taasanik pilersitsisoqarsimanera tamatumunnga pissutaavoq, attaveqaqatigiinnilu nunagisamit ungasissumiinneq ataatsimoorutigineqarpoq.

AAMMA ATUARUK Efterskolit pillugit oqallinnermi oqaatsit akulerunnagit

- Assigiinngitsunik sammisaqartittarpagut, ukiumullu sisamariarluta naapeqatigiissittarlugit, saniatigut Facebook-gruppini eqqartueqatigiittarput angerlarserunnaaminiassammata. Taanna iluaqutigingaatsiarnikuuaat, Nike Berthelsen Peqatigiit Kalaallit Meerartaanneersoq taama oqarpoq.

Kalaallit efterskolertut taamaatiinnartartut ukiuni marlussunni kingullerni 20 procentit missaanniittarput, tassalu tallimaagaangata ataatsip atuarnini maanaannaq kipillugu angerlaannartarluni. 

AAMMA ATUARUK Kalaallit Danmarkimi efterskolertut aallartinnerluttorpassuusartut

AAMMA ATUARUK Angajoqqaat atuarfiillu efterskolertussat ajutoortittaraat

Efterskolertulli 90-it ukiumi atuarfiusumi 2016/17-imi attaveqaqatigiinnut Allumut peqataasut 10 procentiinnaat taamaatitsiinnarsimapput.

Peqatigiiffillu Kalaallit Meerartaat naapertorlugu suli ikinnerulersinneqarsinnaapput.

- 20 procentit missaat efterskole naammassinagu angerlartarput, kisianni annikinnerusinnaarpasikkaluarpoq, ukiup ingerlanerani aqqusaakkat angerlarsernermiit allarluinnaat pissutaallutik angerlartariaqarsinnaallutik, Nike Berthelsen taama oqarpoq.

Allu 2015-imi pilersinneqarpoq, Peqatigiiffik Kalaallit Meerartaallu naapertorlugu aningaasaqarfimmit A.P. Møller Fondenimit tapersersorneqarnera iluaqutigalugu ukiuni pingasuni suli ingerlanneqarsinnaassaaq. 

AAMMA ATUARUK Atuartut efterskolernissamut piareersarneqartassapput