Dronningi juulimi nunatsinniissasoq

Dronningi juulip naaneranit aggustip tungaanut nunatsinniissaaq.
Kunngikkormiut umiarsuarmik Dannebrogimik aasakkut angalasarnerat maannamut ukiuni 100-nit ikinnerunngitsuni ileqquuvoq. Assi © : Jonas Løvschall-Wedel/KNR
Allattoq Christine Hyldal
apriilip 28-at 2021 09:31

Ukiutoqqami oqalugiarami neriorsuutigaa – maannalu qularnanngilluinnarluni: Dronningi aasaru nunatsinniissaaq. 

Juulip naaneranit aggustip tungaanut nunatsinniissaaq. Nunatsinnulli tikinnissaa nunatsinniillu aallarnissaa suli ullulerneqanngillat.

Kunngikkormiut tusagassiuutinut taama allapput.

AAMMA ATUARUK Dronningip aasaru nunatsinnukarsinnaassalluni neriuutigigaa

Kunngikkormiut umiarsuaat Dannebrog nunatsinnukaarnermini Savalimmiunut aamma aqqusaassaaq. 

Kunngikkormiut umiarsuaat Dannebrog coronap nunarsuaq tamakkerlugu tunillaassuutileruttornerata ajornartoortitsinerani siorna nunatsinnukarsinnaasimanngilaq.

Ukioq mannali pisussat allaapput. Tassami dronning Margrethe Dannebrogimik ukioq manna maajip ulluisa sisamaanni angalalissaaq.

AAMMA ATUARUK Dronningi inuuimmini balkonimit aamma ukioq manna aalaaterinavianngitsoq

Sønderjyllandip Danmarkip sinneranut kattuteqqinnera juunip ulluisa 13-ianni malunnartinneqarnerani peqataassaaq, kunngissaq prins Christianilu tassani aamma peqataassallutik. 

Tamatuma kingorna juulimi Savalimmiuniillunilu nunatsinniissaaq. Pilersaarutit malillugit juulip qiteqqunnerani Savalimmiuniissaaq, tamaaniinnerminilu illoqarfinnut nunaqarfinnullu orniguttassalluni.

Aamma atuaruk