Dronningi inuuimmini balkonimit aamma ukioq manna aalaaterinavianngitsoq

Dronning Magrethe apriilimi 81-ilissaaq, inuuinili coronap ilungersunartorsiortitsinera pissutaalluni ukioq manna nammineerluni malunnartinniarlugulu illussaarsuup silaatani erinarsorfigineqassanngilaq.
Kunngikkormiut internetikkut attaveqaataat aqqutigalugit ukioq manna pilluaqqusisoqarsinnaassaaq. Toqqorsivimmit assi. Assi © : Jonas Løvschall-Wedel/KNR
Allattoq Ritzau
marsip 24-at 2021 14:55
Nutserisoq Mads Lynge, Naja-Vivi Mikaelsen

Dronningip inuuini aamma ukioq manna malunnartingaarnianngikkaa, kunngikkormiut tusagassiuutinut nalunaarput.

Dronningi apriilip ulluisa 16-ianni 81-iliissaaq. Dronningi inuuissioraangami innuttaasunut aalateriartortarluni Amalienborgip balkonngianukartaraluarpoq, ukioq mannali taamaaliornavianngilaq.

Paarsisut ulloqeqqanut nikinneranni, inuit illussaarsuup saavanukarlutik dronningip inuuiani pilluaqqusiartortaraluarput.

Inuuinili coronap ilungersunartorsiortitsinera pissutigalugu Fredensborg Slotimi ukioq manna nammineq malunnartinniarpaa.

AAMMA ATUARUK Qamutilittarneq erinarsoqatigiinnerlu: Dronningi facebookikkut nalliussineqassasoq

Dronningip siorna 80-iliinnissaanik nalliuttorsiortitsinermi aaqqissuussarpassuugaluit taamaatinneqarmata inuuia allatut nalliussineqarpoq. Interneti aqqutigalugu pilluaqqusisoqarlunilu assigiinngitsutigut malunnartitsisoqarpoq.

Kunngikkormiut internetikkut attaveqaataat aqqutigalugit ukioq manna pilluaqqusisoqarsinnaassaaq.

Dronningimummi pilluaqqusinissamut attaveqaatitigut qupperniliortoqassasoq, kunngikkormiut tusagassiuutinut ilisimatitsipput.

Dronningip inuuia kunngikkormiut internetikkut attaveqaatitigut quppernerisigut ulloq naallugu nalliussineqassaaq.

Aamma atuaruk