Politikki

Qimaasunut ikiuiniarnermut tapiissuteqartoqarnissaanut siunnersuut Demokraatinit ilalernartinneqanngilaq

Røde Korsip Europamut qimaasunut ikiuiniarneranut Kalaallit Nunaata tapiissuteqarnissaanik siunnersuut Naalakkersuisut tapersersussanerlugu tapersissussannginnerluguluunniit suli nalunaaruteqanngikkaluartut partii naalakkersuisooqataasoq siunnersuutigineqartumut tapersersuisinnaanani nalunaarpoq.

Allattoq Jonas Fievé

septembarip 14-at 2015 13:57

Nutserisoq Jaaku Lyberth, Jens Thorin

Akissaqanngilagut, Demokraatit politikikkut oqaaseqartartuat Randi Vestergaard Evaldsen oqarpoq.

- Soorunalimi isumaa kusanartorujussuuvoq, kisianni aningaasaqarnerput imatut isikkoqartillugu, koorunit tamaasa kaajallatsittariaqarlugit, isumaqataanartinngilara, Randi Vestergaard Evaldsen oqarpoq.

Aamma atuaruk Sara Olsvig: Nunarput qimaasunut ikiuerusussusermik takutitsissariaqarpoq

Inuit Ataqatigiit siulittaasuata Sara Olsvigip aningasanut inatsimmi naatsorsuutiginngisamit aningaasartuutinit aningaasat tiguneqarsinnaanerat siunnersuuteqarnermini eqqaavaa.

- Aningaasaqarnerput taamatut isikoqartillugu aamma aningaasat, maani nunatsinni atugassavut, sumut atorneqarnissaat eqqarsaatigilluartariaqaratsigit.

Qimaasunik ajornartorsiuteqarnermi Kalaallit Nunaat nunarsuarmioqatitsinnut soqutiginnillluni ikiuniarnera tapersersorsinnaagaluarlugu massakkut tamanna Randi Vestergaard Evaldsip piffissaasorinngilaa.

Aamma atuaruk Qimaasunut ikiuutissagutta Naalakkersuisut qinnuteqaqqaartariaqarput

Nunatsinnimi ajornartorsiutit annertuut suliassaaravut.

- Soorunalimi tamakkua aamma pingaaruteqartorujussuupput, kisianni uanga isummanni pingaarnerpaavoq, meeqqat soorlu maani nunatsinni nerisassaqaratik innartartut isumageqqaarnissaat, allamut eqqarsartigata.

Sara Olsvigip arfininngornermi oqaloqatigineqarnerani erseqqissaatigaa, nunatsinni isumaginninnikkut ajornartorsiuteqaraluartoq Kalaallit Nunaat qimaasunut ikiusinnaasoq.

- Uagullu Nunatsinni nammineq ajornartorsiutivut soorunalimi iliuuseqarfigalugit, soorunalimilu aamma inoqatitsinnik isumaginnikkusussusermik nunarsuarmioqatitsinnut takutitsisinnaavugut, IA-p siulittaasua sara Olsvig oqarpoq.

Aamma atuaruk Aajap qimaasut pillugit akisussaaqataarusunnera ilaasa ajorigaat ilaasa nuannaraat

Aningaasat pisariaqartinneqartut pingaarnersiorneqarnissaat pineqarpoq Randi Vestergaard Evaldsen oqarpoq.

- Soorunalimi eqqarsaat kusanartorujussuugaluarpoq, kisianni aningaasaqarnerput imatut inissisimatillugu uagut pingaarnerutipparput, aningaasat nunatsinni siullerpaamik atorneqassasut, inatsisartunut ilaasortaq Demokraatineersoq oqarpoq.

Læs også Aajas appel til flygtningeansvar vækker både harme og varme