Sara Olsvig: Nunarput qimaasunut ikiuerusussusermik takutitsissariaqarpoq
Inuit Ataqatigiinniit maanna siunnersuutigineqarpoq Kalaallit Nunaat Røde korsip Europami qimaasunut ikiuiniarneranut 500.000 koruuninik tapiissuteqassasoq.
Sara Olsvig Inuit Ataqatigiinni siuliuttaasup oqaatigaa, naak nunarput annertuunik isumaginninnerup iluani ajornartorsiuteqaraluartoq, isumaqanngillat taakkua qimaasunut oqallittoqarneranut ilanngunneqassasut.
IA isumaqarpoq misiginneqatiginninneq pineqartoq, aamma nunat tamat ataatsimoorneranut eqqissinermik patajaassusermillu kinguneqartumut peqataanissaq pineqartoq.
Tamaattumik IA-mit siunnersuutigineqarpoq, nunatta karsianit millionit koruunit affaanik Røde Korsip qimaasunut ikiuniarneranut atorneqartussanik Inatsisartut Naalakkersuisullu isumaqatigiillutik tunniussisoqassasoq.
Aningaasat nunatta pigisai:
- Tamanna 2015-mut aningaasanut inatsimmi konto 20.11.50-p ataani periarfissaareerpoq. Tassanngaanniimmi naatsorsuutigeriinngisanik aningaasartuutit aningaasalerneqarsinnaapput, ilaatigut Nunarsuarmi sumiluunniit ajunaarnersuarnut atatillugu ikiuinissamut aningaasanik tapersersuinermut atugassanik aningaasaliisoqarsinnaalluni, IA-p siulittaasua Sara Olsvig tusagassiutinut nalunaaruteqarluni taama allappoq.
