UPERNAAKKUT ATAATSIMIINNEQ Demokraatit aningaasaqarnerput ukkatariniarpaat
- Demokraatininngaanniit uagut qilanaarpugut Inatsisartut ataatsimiinnerisa aallartinnisssaanut, Inatsisartunut ilaasortat Demokraatineersoq Justus Hansen taama oqarpoq.
Aamma atuaruk Inuit Ataqatigiinnut oqaluuserisassat pingaarutillit
Upernaaq manna atatsimiinnermi oqaluuserisassat Demokraatinut pingaartut arlallit taassuma tikkuarpai.
- Ingattammik urani pillugut, aatsitassat Hansen oqarpoq.
Tava aamma missingersuutit pillugit inatsisissatut siunnersuuteqarpoq.
- Uagut aamma missingersuusioriaraangatta taava aningaasat qanoq atornissaat. Ukiut tamaasa amigartoortussaanngilagut, Hansen oqarpoq.
Aamma atuaruk Akiitsut aningaasaliisarnermullu periusissiaq nutarterneqarusuppoq
Politikerit nunatta karsianik aqutsisinnaanertik nunannut allanut aningaasaliiumaarunnartunullu takutissagaat siunertaavoq.
- Ukiumi ataasiinarmiluunniit amigartooruteqassanani, Hansen oqarpoq.
Justus Hansenip aamma Ilinniagaqarnersiutinik iluarsaaqqinnissaq pingaartutut isigaa, tamatumuuna ilinniartut ilinniakkaminnik piffissaliussap iluani naammassinnissamut kajuminnierulernissaat siunertaammat.
- Demokraatiniit sanaartorneq soorunami pingaartittorujussuuarput, mittarfiliortitsinissaq ingattarpoq, Hansen oqarpoq.
Aamma atuaruk Mittarfiit takisuut inassutigaat
Mittarfiit upernaaq manna ataatsimiinermi oqallisigisassanut ilaanngitsut Demokraatineersup nalunngikkaaluarpaa, kisianni imaanngilaq isumaqatigiiniartoqassanngitsoq, taanna oqarpoq.
- Ingattammik ukua aningaasaat sumiit tigussanerivut. Allat aningaasaatat, aningaasat nutaat imaluunniit aningaasartai qanoq iskkoqassanersut, Justus Hansen oqarpoq.