Politikki

UPERNAAKKUT ATAATSIMIINNEQ Inuit Ataqatigiinnut oqaluuserisassat pingaarutillit

Inatsisartut upernaakkut ataatsimiinnissaat aqagu apriilip arfineq-pingajuanni ullaakkut qulinut aallartissaaq, partiilu naalakkersuisunut illuatungiliuttup, Inuit Ataqatigiit siulittaasua, Sara Olsvigip ataatsimiinnermi oqaluuserisassat pingasut immikkut qilanaaraai.

Allattoq Bibi Nathansen

apriilip 07-at 2016 16:18

Inuit Ataqatigiit siulittaasuata oqaasii naapertorlugit Inatsisartut upernaakkut ataatsimiinneranni oqaluuserisassani pingaaruteqartut ilagaat urani pillugu innuttaasunik taasitisinissamik siunnersuut. Massakkut naalakkersuisooqatigiit urani pillugu politikkia Inuit Ataqatigiinnit isumaqatigineqanngilaq.
-Pingaarnertut pingasut taarusuppakka, imaluunniit sammisat pingasut. Siullertut urani pillugu innuttaasunik taasititsinissamik siunnersuutit pingasuusut, Sara Olsvig KNR-imut oqarpoq.

Aamma atuaruk Kirkegaard: Siumup politikkiat ersarippoq

Aapaattut oqaluuserisassaq pingaarutilik

-Missingersuutit naatsorsuutillu pillugit inatsisiliornissaq. Taanna sukumiisumik aammalu atorluarsinnaasumik naammassineqartariaqarpoq.

Aamma atuaruk Danskit aningaasaqarnermut ministeriat nersualaarivoq

Oqaluuserisassaq pingajuat Sara Olsvigimut pingaarutilik tassaavoq:

-Nammineq siunnersuuterput kommunit akornanni naligiissaarinermi aningaasaqarnikkut naligiissaarineq kisimi isiginagu, kisianni aamma allatigut qanoq innuttaasut akornanni naligiinerulersitsisinnaasunik suliaqarnissamik suliaqartoqarnissaa Inatsisartutut siunnersuutitut saqqummiuttussaavarput Inuit Ataqatigiinniiit.

Sara Olsvig taama oqarpoq. Inatsisartunut ilaasortat siunnersuutaat immikkoortut katillugit 57-it Naalakkersuisunillu immikkoortut 29-t oqaluuserisassanut ilanngunneqarput. Inatsisartut upernaakkut ataatsimiinnerat juunip pingajuani 2016-imi naammassineqassaa pilersaarutaavoq.

Aamma atuaruk IA: Kommunit kattussuunnerisigut naligiinnerulertoqanngilaq