Politikki Avatangiisit

ASSIT Danskit issittumik illersueqqullugit Kerry ikiortiserigaat

Avatangiisinik illersuiniaqatigiiffimmit Greenpeacemeersut, USA-p nunanut allanut tunngasunut ministeriata danskit naalakkersuisuinut Issittoq pillugu kajumissaaruteqaqqusillutik Amalienborgip saavani qajartorlutik ullumi takoqqusaarput.

Allattoq Camilla Dam

juunip 17-at 2016 10:18

”John Kerry, Tell Denmark to Protect the Arctic” - John Kerry, Danmark oqarfigissavat Issittoq illersussagaa, allagartarsuarni qernertuni ilaatigut taama allassimasoqarpoq.

- Issittup Imartaata illersorneqarnissaanut tunngatillugu USA pingaarutilinnik iliuuseqarsimavoq, Danmarkili Norgelu iliuusissanut pisariaqartunut akimmisaartitsipput.

Aamma atuaruk John Kerryp nunatsinnut tikeraarnera pingaaruteqartoq

Aamma atuaruk John Kerryp tikeraarnissaanut politiit piareersimapput

- Kristian Jensenip John Kerryllu timmisartorlutik Kalaallit Nunaannut ullumi ingerlaarnerat, Danmarkip isummaminik allanngortitsinissaa Issittullu illersorneqarnissaa pillugu aaqqiissutissanut peqataanissaa pillugu oqaloqatigiinnissamut periarfissaalluarpoq, Greenpeacep Danmarkimi immikkoortortaqarfiani oqaaseqartartut ilaat, Magnus Eckeskog, taama oqarpoq.

USA-p nunanut allanut tunngasunut ministeriata John Kerryp nunatsinnut aallannginnermini dronning Margrethe ilassiartorpaa. Ilulissiarnera silap pissusiata allanngoriartorneranik qanimut takuniaanissamik siunertaqarpoq.