Danskip Norgemiullu toqutaanerat Marokkop peqqarniisaarniarnermik tunngaveqarsorigaa
Pingasunngormat unnukkut nalunaaruteqarlutik allapput tigusarineqartut ilaat ataaseq peqqarniisaarniaqatigiinnut atassuteqartoq. Nutaarsiassaqartitsivik AP taama allaaserisaqarpoq.
Oqaaseqartartoq naapertorlugu tigusarineqartoq ”peqqarniisaarniarnermut atassuteqartumik pillagaasimanermut allagartaqarpoq”. Peqqarniisaarniaqatigiit sorliit pineqarnersut oqaatigineqanngilaq.
AAMMA ATUARUK Marokkomi kisimiilluni angalaarnissaq mianersoqqussutigineqartoq
Pasineqartoq illoqarfimmi Marrakeshimi, arnat marluk toqutaaffiannit kilometerit 50-it missaannik ungasitsigisumiittumi marlunngormat tigusarineqarpoq.
Nalunaarutigineqatut siulliit naapertorlugit arnat qungasiisigut kapineqarlutik toqutaasimapput.
AAMMA ATUARUK Arnat marluk Marokkomi qaqqami toqusimasut nassaarineqartut
AP naapertorlugu unnersuussisussaatitaasut aamma allapput arnap aappaata toqutaaneranik videoliaq inuit attaveqaqatigiittarfiisigut ingerlaartinneqartoq piviusuunersoq misissorneqaleruttortoq.
Danmarkimi Naalagaaffiup politiivisa TV2-mut pingasunngormat unnukkut ilisimatitsissutigaat videonik ingerlaartitsisoqarnera ilisimaneqartoq piviusuunersullu misissuiffigineqartoq.
Danskit ministeriunerat Lars Løkke Rasmussen (V) sisamanngornermi ullaap tungaani tusagassiortunik katersortitsinemi ima oqarpoq:
- Arnat inuusuttunnguit marluk Marokkomi feeriartillutik peqqarniitsumik toqutaapput. Qanoq pisoqarsimanera ilisimaqqissaanngilarput, toqutsinerilli peqqarniitsut peqqarniisaarniarnermik tunngaveqarsinnaapput, aamma videomik inuit attaveqaqatigiittarfiisigut ingerlaartitsisoqarpoq.
- Tamatsinnut quarsaarnartuuvoq, tujorminarlunilu assut alianarpoq, ministeriuneq tussunngulluni tusagassiortunik katersortitsinermi taama oqarpoq.
/ritzau/