Marokkomi kisimiilluni angalaarnissaq mianersoqqussutigineqartoq

Marokkomi danskeq norskerlu kisimiillutik qaqqasiortillutik toqutaapput, Marokkomilu kisimiilluni angalaartannginnissaq nunanut allanut ministereqarfiup mianersoqqussutigalugu kaammattuutigaa.
Arnat marluk - qallunaaq norskerlu - Marokkomi qaqqami Toubkalimi toqusimasut nassaarineqarput. Assi © : Andy Kyte/Flickr Creative Commons
Allattoq DR
decembarip 19-at 2018 07:19
Nutserisoq Bikki P. Kleist

Takornarianillu angallassisarneq maanna allannguiffigineqartusanngorpoq. Danmarkimimi nunanut allanut ministereqarfiup angalanermi najoqqutassat erseqqissarlugit aaqqiissuteqarfigai.

- Nunani allani sakkortuumik pisoqartillugu paasissutissat nutarternissaat pisariaqalersimavoq, Marokkomilu qaqqaqarfimmi kisimiilluni angalaartoqannginnissaa kaammattuutigaarput, Nunanut allanut ministereqarfik DR-imut ilisimatitsivoq.

AAMMA ATUARUK Arnat marluk Marokkomi qaqqami toqusimasut nassaarineqartut

Danmarkimimi nunanut allanut ministereqarfiup Marokkomut angalanermi isumannaallisaanerup qaffasissusiata allanngortinnissaanik maannakkorpiaq pilersaaruteqanngitsoq aamma oqaatigineqarpoq.

- Angalanermi najoqqutassami erseqqissaatigineqareerpoq Marokkomiinnermi pinerluttuliortoqarsinnaanera peqqarniisaarniartoqarsinnaaneralu pissutigalugit imminut isumannaallisartoqartariaqartoq, ministereqarfik allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq