Danmarkimut nunasisut inuiaqatigiinnut ilanngutsinneqartarnerat pillugu siunnersuisoqatigiinni ilaasortassanik ullumi qinersisoqarpoq.
Københavnip kommuneani qinersiartortorpassuaqarnissaa ilimagineqanngilaq, nunasisut katillutik 55.000-iusut 6 procentiinnaat oqarasuaatikkut qarasaasiakkut allakkatigullu qinersisimammata, maannamullu qinersiartortut amerlavallaanngimmata.
Qinersisartunik ataatsimiititsinernut takkuttut aamma amerlagisassaanngeqimmata qinersisukinnissaa ilimagineqareersimavoq.
Kalaallit pingasut qinigassanngortipput, taakku ilaata SF-meersup Nikoline Ziemerip qinersinerup inernissaa pissanganarnerarpaa qinersiartortulli ikinnerat ajornartorsiutaassangatillugu.
Nunasisut siniisissaannik qinersinermut Københavnip kommunea 500.00 koruuninik aningaasaliisimavoq,
qineqqusaarnermi TV-kkut ussassaarutinut ilaatigut atorneqartunik.