Danmarkimi inuit amerlanerusut katersuussinnaalissasut
Danmarkimi inuit katersuussinnaanissaannut killigititaq naalakkersuisunit allanngortinneqalerpoq.
Sumiiffimmi aalajangersimasumi inuit 500-it katersuussinnaalissapput.
Inuit 500-t katersuussinnaalernissaat maajip ulluisa qulinganniit septembarip aallaqqaataata tungaanut atuutissasoq, Peqqinnissamut ministereqarfik taama ilisimatitsisoq, Ritzau allaaserisaqarpoq.
AAMMA ATUARUK Tamaat isigalugu: Coronavirus pillugu killiffik
Danmarkimi inuit amerlanerpaamik 100-t katersuussinnaanerat marsip ulluisa 16-ianni atulersinneqarpoq. Tamatumalu malitsigisaanik inuit angerlarsimaffinni allanilu katerissinnaanerat inunnut qulinut maajip ulluisa qulingata tungaanut killilerneqarpoq.
Maannali inuit amerlanerpaamik 500-t katerissinnaalernissaannut atatillugu katittussat, inuuissiortussat tusarnaartitsinerillu inukinnerusut aasap ingerlanerani iluatsissinnaanngussapput.
AAMMA ATUARUK Isaap nujakkaanini qatsuppaa: Nujaleriffik ammarpat nujarleritikkiartortuni siulliussagunarpunga