Isaap nujakkaanini qatsuppaa: Nujaleriffik ammarpat nujarleritikkiartortuni siulliussagunarpunga
Coronavirus nunarsuarmi tamarmi ilungersunartorsiorfiuvoq. Nunarsuarmi tamaat matoqqatinneqarpoq, angallannerit, meeqqeriviit suliffeqarfippassuillu allat aamma matoqqatinneqarlutik.
Nujaleriviit matoqqatinneqartut ilagaat - nujaleritinngitsoorsinnaanngitsunut, tamanna ipianngunarsimavoq.
- Qaammat sinnerpaa. Eqqaamaqqissaanngilara, kisianni qaammat sinnerpaa kingullermi killortikkama, Isak Benjaminsen maanna torsusuunik nutsassimaqisoq oqarpoq.
- Erininarsivoq ammarnissaat, ammariarpata immaqa siullersaallunga killortikkiartussaanga.
Nutsattut ilaat nujaleriffiit ammaqqinnissaannut utaqqeqqissinnaajunnaarami, allatut iliuuseqarpoq.
Nukannguaq Geislerimmi nujalerisut utaqqeqqissinnaajunnaaramigit, ernerata killorusummagu akuersaaginnarsimavoq:
- Qapeqqavunga aatsaat siullermik. Qapernissara pilersaarutaanngikkaluarpoq, aamma qapernissara takorloorsimanngisaannarnikuugaluarpara. Kisianni nukappiaraatimmaakua kammalaatinilu uteriiffigigaminnga , Nukannguaq Geisler ernerminit kammalaataaniillu killortinnini taama oqaluttuaraa, nangillunilu:
- Kiisa atortorissaarutit saqqummerpai, taava uanga nalligilerlugit oqarfigaakka misilinniarsiuk, kisianni iluamik pissavassinga.
- Takorloorsimanngisaannarakku taamatut qapernikuussallunga nasaqarnaqaaq. Aamma suernermut, makku nujaqanngitsunnguakasiit qanoq qiusartigippat.
Isak Benjaminsenilli allamit killorneqarnissani pilersaarutiginngilaa, taassumami nukaleriffiit ammaqqinnissaat utaqqivai:
- Qapernissara eqqarsaatiginngilara, aamma tulluarivallaarunannginnakku qapeqqaneq. Kisianni arnaatimma immaqa pingasoriarluni aperigaluarpaanga killorumallunga, itigartittarakku.
Nuummi nujaleriviit apriilip ulluisa 30-ata tungaanut matoqqatikkallarneqarput.
Danmarkimi suliffeqarfiit arriitsumik ullumimiit ammariartuaarneqarput, nujalerivimmilu killortittut siullersaasa ilagaat kunngissaq Frederik.
