Danmarkimi nappaammik coronavirusimik toqquteqartut amerleriartorput. Arkivfoto.Assi: RitzauScanpix

Danmarkimi inuit 285-it nappaat toqqutigigaat

Inuit nappaammik coronavirusimik sapaatiummalli toqquteqartut aqqaneq marlunnik ilaqqipput.

Inuit nappaammik tunillatsissimasut ataasinngornermi nalunaarsuinerit naapertorlugit inuit 285-it nappaat toqqutigaat, Statens Serum Institutimit kisitsisit tamanna takutippaa.

Tunillatsissimasut napparsimmavinni uninngasut 396-imiit 388-imut ikileriarsimapput. Peruluttut uninngavianiittut 100-it nalunaarsorneqarput, uninngasullu sapaammit sisamanik ikilerialaarsimallutik.

AAMMA ATUARUK Tamaat isigalugu: Coronavirus pillugu killiffik

Taamaattoq inuit uninngasut anersaartuutillit ullup ataatsip ingerlanerani 85-init 87-inut amerlerialaarsimapput. Danmarkimi nappaammik tunillatsissimasut maannamut 6318-iupput

Danmarkimi coronavirusimik tunillatsissimasut ullup ataatsip iluani amerleriarsimapput, kisitsisit maannamuugallartut naapertorlugit tunillatsissimasut 6.174-init 6.318-inut amerleriarsimapput, tassa sapaammiit ataasinngornermut tunillatsissimasut 144-nik amerleriarsimasut, pisortat nalunaarutigaat. 

 

Isummersuutit