Danmarkimi AstraZenecamik akiuussusiinissat taamaatinneqarallartut

Taqqakkut milittoornerit coronamut AstraZenecamik akiuussusiisimanerillu ataqatigiinnersut misissorneqassaaq.
Tassalu danskit 16-leereersimasut tamarmik, juulip ulluisa 18-iani akiuussuserneqareersimasussaagaluartut, maanna aggustip ulluisa 15-anni akiuussusereersimassasut pilersaarutaalerpoq. Assi © : Miguel Medina/AFP/Ritzau Scanpix
Allattoq Ritzau
marsip 11-at 2021 09:09
Nutserisoq Jaaku Lyberth, Naja-Vivi Mikaelsen

Danmarkimi  akiuussuserneqarsimasut arlaqartut taqqamikkut milittoornerisa kingorna, coronamut akiuussutissaq AstraZeneca atorneqarunnaarallarneqartoq, Danmarkimi Peqqissutsimut Aqutsisoqarfimmeersut oqarput.

Ilaatigut Østrigimi inuit marluk akiuussuserneqareernermi kinguninngua taqqakkut milittoortitsisimapput.

Akiuussutissap taqqakkullu milittoornerit imminnut ataqatigiissuteqarnersut maanna suli qulakkeerlugu inerniliunneqanngilaq.

Taamaattummillu akiuussutissaq ulluni tulliuttuni 14-ni atorneqassanngilaq misissorneqaqqaassammat.

AAMMA ATUARUK Tusagassiuut: Nunatsinni inersimasut tamarmik inuiattut ullorsiortinnata akiuussuserneqarnissamik neqeroorfigineqassapput

Akiuussusiinissamut AstaZenecamiit akiuussutissartaqanngitsumik pilersaarusioqqittoqarpoq.

Tassalu danskit 16-leereersimasut tamarmik, juulip ulluisa 18-iani akiuussuserneqareersimasussaagaluartut, maanna aggustip ulluisa 15-anni akiuussusereersimassasut pilersaarutaalerpoq.

AstraZenecameersumit akiuussutissamik siulliusumik Danmarkimi inuit 142.102-t  kapitereersimalersut Statens Serum Institutimiit (SSI) kisitsisaatigineqarput. Tassa Danmarkimi inuit akiuussuserneqarsimasut sisamararterutaat  AstraZenecameersumit akiuussuserneqarput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk