Ilinniartitaanermut Naalakkersuisup Ane Lone Baggerip, ilinniagaqartunut taakkua angajoqqaavinut ilinniagaqarfinnilu atorfeqartunut nersualaarivoq.Assi: Pressefoto

Coronap nalaani ajornartoornermi misilitsittoqassaaq soraarummeertoqassallunilu

Ilinniartitaanernik ingerlatsiviit ataasiakkaat soraarummeersitsisarnernik misilitsittarnernillu aaqqissuussisassapput sapinngisamik pitsaanerpaamik ilinniarfimmut pineqartumut kiisalu pisunut ataasiakkaanut allannguutit ilinniartunut paasissutigineqarnissaat isumagissavaat.

Coronap nalaani ajornartoornermi atuartitsisarnernut nalunaarut Naalakkersuisut akuersissutigivaat.

Tassani pineqarput ilinniarnertuunngorniarfinni, inuussutissarsiutinut ilinniarfinni aamma qaffasinnerusunik ilinniarfinni misilitsinnerit soraarummeersitsinerillu.

- Ilinniarnertuunngorniarfinni, inuussutissarsiutinut ilinniarfinni aamma qaffasinnerusunik ilinniarfinni misilitsinnerit soraarummeersitsinerillu, sapinngisamik pisarnertut nalinginnaasumik ingerlanneqassapput, taamaattoq isiginiarneqassallutik COVID-19-ip kingunerisaanik killilersuinerit inassuteqaataasullu, Namminersorlutik Oqartussat tusagassiuutinut nalunaaruteqarlutik taama allapput.

AAMMA ATUARUK Meeqqat atuarfii: Misilitsissutissat piareersarneqarput

Pisariaqassappat soraarummeernerit misilitsinnerillu qarasaasiakkut allatulluunniit pisariaqarnera tunngavigalugu ingerlanneqarsinnaapput.

Ilinniartitaanernik ingerlatsiviit ataasiakkaat soraarummeersitsisarnernik misilitsittarnernillu aaqqissuussisassapput sapinngisamik pitsaanerpaamik ilinniarfimmut pineqartumut kiisalu pisunut ataasiakkaanut allannguutit ilinniartunut paasissutigineqarnissaat isumagissavaat, Ilinniartitaanermut naalakkersuisoqarfik tusagassiuutinut taama nalunaaruteqarpoq.00:01:31

Ilinniartitaanermut Naalakkersuisup Ane Lone Baggerip, ilinniagaqartunut taakkua angajoqqaavinut ilinniagaqarfinnilu atorfeqartunut nersualaarivoq:

- Soraarummeernissat misilitsinnissallu sioqqullugit ilinniartitaanermut ingerlatsivinnik oqaloqateqartarneq isiginiarneqarpoq.

- Ersersinneqarpoq pissutsit immikkut ittut atuuffigisaanni ataatsimoorsinnaasugut,t tamanna pillugu qujanaq” taama oqaaseqarpoq Naalakkersuisoq, Ane Lone Bagger.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl