Chilemi arnap 111-nik ukiullip coronavirusi anigoraa

Juulimi 112-iliisussaq, Juan Zúñiga, Santiagomi utoqqaat illuanni coronavirusimik tunillatsittut 25-usut ilagaat.
Juulimi 112-iliisussaq, Juan Zúñiga, coronavirusimik napparsimareerluni peqqissisimasutut maajip ulluisa qulinganni nalunaarutigineqarpoq. Assi © : Yves Herman/Reuters/Ritzau Scanpix
Allattoq Ritzau
maajip 28-at 2020 10:57
Nutserisoq Mads Lynge

Chilemi arnap 111-nik ukiullip nappaat coronavirusi anigorpaa. Taamalu Amerika Kujallermi coronavirusimik tunillanneqarsimasuni nappaammik taassuminnga aniguisuni utoqqaanerpaavoq.

Juulimi 112-iliisussaq, Juan Zúñiga, coronavirusimik napparsimareerluni peqqissisimasutut maajip ulluisa qulinganni nalunaarutigineqarpoq. Taanna illoqarfiit pingaarnersaanni Santiagomi utoqqaat illuanni coronavirusimik tunillatsittoq, utoqqarnik Chilemi sullissiviup, Senemap, ilisimatitsissutigaa.

AAMMA ATUARUK Spaniami arnap 113-inik ukiullip coronavirusi anigoraa

Chilemi coronavirusimik tunillanneqarsimasut 80.000-nit amerlanerupput, Brasiliami Perumilu tunillanneqarsimasut taamaallaat amerlanerullutik.

Sapaniami arnaq 113-inik ukiulik, nunarsuarmi utoqqaanersaasutut taaneqartoq, coronavirusimik napparsimareerluni siusinnerusukkut aamma aniguivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq