Ilinniarneq Kulturi

VIDEO Kalaallisut qallunaatut tuluttulluunniit oqalunneq inuup pisinnaatitaaffigai

Kalaallisut, qallunaatut tuluttullu oqaaseqarneq siunnersuisooqatigiit immikkut suliniuteqarfigissagaat Inuit pisinnaatitaaffiinut siunnnersuisooqatigiinni siulittaasup oqaatigaa.

Allattoq Sivert Olsen, Camilla Dam

apriilip 12-at 2015 12:00

- Inuit assigiinngitsorpassuit Kalaallit Nunaanni najugaqarput. Ilaat kalaallisuinnaq oqaasillik, ilaat kalaallit qallunaatut oqaasillik. Aamma inoqarpoq tuluttuinnaq oqaaseqartunik. Oqaatsit aallaavigalugit inuunitsinni periarfissat qiviassagutsigit assersuutigalugu nunaqarfinni illoqarfinnilu atuarfinni meeqqat oqaatsit tungaatigut ilinniartitaanerat naammaginanngitsutut ingerlappata, taava meeqqat ilinniartinneqarnissaminnut pisinnaatitaaffii tassani innarlerneqareerput, Inge Olsvig Brandt KNR-imut oqarpoq.

Aamma atuaruk Oqaatsitta atornissaat pisinnaatitaaffigaarput

Taamaammat Inuit Pisinnaatitaaffiinut Kalaallit Nunaata Siunnersuisooqatigiivi paasititsiniaanissamik nalunaarusiornissamillu pilersaaruteqarput.

- Inuit pisinnaatitaaffiit innarlerneqarpata nalaagaafinnut tamakkua oqariartuutigisinnaavagut, Inge Olsvig Brandt KNR-imut oqarpoq.

Taassuma assersuutitut taavaa meeqqat atuarfimmi iluamik oqaatsit tungaatigut ilinniartinneqarsimanngppata kingusinnerusukkut inuuniarnerannut sunniuteqarnerlussinnaasoq. Allaat aningaasaq1arniarnerannut eqquinerlussinnaalluni, tamannalu inuit pisinnaatitaaffiinik unioqqutitsinerussasoq oqaatigalugu.

Qanoruumi ilinngutassiaq takuuk.