Oqaatsitta atornissaat pisinnaatitaaffigaarput

- Nuummut pigama pisortaqarfinnut saaffiginnikkuma ima akineqartarpunga "Qallunaatut oqalussinnaavit imaluunniit kalaallisut nutserunneqarnissarnik pisariaqartitsivit?". Angertarpunga, naak Kalaallit Nunaanniikkaluarlunga.

- Illuatungaanut mumisillugu aaqqittariaqarparput imaalersillugu " Kalaallisut oqalutseqarnissarnik pisariaqartitsivit?", tassami kalaallisut kinaassusera atorlugu pisortaqarfinnut saaffiginnissinnaasariaqarpunga.

Susoqartariaqarpa?

- Politikkikkut oqallinneq annertuumik aallartinneqartariaqarpoq, politikkikkut toqqammavilersuutigineqartariaqarpoq, Nunatsinni oqaatsit pingaarnertut pisortaqarfinni allanilu atorneqartariaqalerput, Piitannguaq Møller oqarpoq.

Ataatsimeersuarnermi ullaaq manna sammineqarpoq inuiattut akuerisaanermik paasisimanninneq.

Isumasioqatigiinnermi, ataatsimeersuarnermik ilalimmi, namminersorneq inuusuttut silaannaallu allanngoriartorneranik qulequtaqarpoq, sammisallu assigiinngitsut isummersorfigineqarlutik.

Siumut inuusuttaasa isumasioqatigiinnerat aqagu tallimanngornermi ataatsimeersuarnermik naggaserneqassaaq.