Avaleraasartuunik agguaassinermi Kielsenip Kruse tatigaa
Illutingiliuttut Inuit Ataqatigiit aamma Partii Naleraq tusagassiuutinut nalunaarummi allapput, Naalakkersuisut imminnut ikioqatigiinnerminni kammalaatersornermilu 40 millioner koruunit angullugit ikiuuteriarsimagaluartut.
Kukkunersiuisartut Deloitte-kkut nalunaarusiaanni allassimasoq Kim Kielsenip suli attappaa, tassa nalunaarusiami ima allassimasoq, issuaaneq: - naqissuserneqartariaqarpoq aalisarnermut naalakkersuisup suliamut sunneeriarsimannginnera imaluunniit KNT Aps pillugu ikiuuteriarsimanera takussutissartaqanngimmat, issuaaneq naavoq.
- Tamanna siunertaralugu qulaajaatitsinikuuvugut tassani takutinniarlugu inatsisit piusut malillugit agguaassineq ingerlanneqarsimasoq.Qulaajaatsitsinermilu ersarissumik takuneqarsinnaavoq, aalisarnermut naalakkersuisoq, Karl-Kristian Kruse agguaassinermi sunniiniarsimanngitsoq allatigulluunniit iliuuseqarniarsimanngitsoq. Tamannlu kukkunersiuisunit allamut, tassa eqqartuussisarnermut suliaqartartunut nalilersortissivaa. Taakkulu uppernarsarpaat, Karl-Kristian Kruse sunniiniarsimanngitsoq.
Aamma atuaruk Avaleraasartoortassanik agguaassinermi sinaakkutissat Krusep siuttuuffigai
Naalakkerusisut siulittaasuat, Kim Kielsen oqarpoq naqissuserlugulu KNT Aps Naalakkersuisunit ikioriarneqarsimanngimmat aamma Naalakkersuisut imminnut iluaquserniarlutik pisaanerminnik atornerluisimanngitsut, soorlu Inatsiasartuni illuatungiliuttut taama isornartorsiuinerminni kukkullutik allattut.
- Illuatungiliuttut oqarnerattuut, allaat 40 millioner koruunit angullugit naalakkersuisut kammalaatersornerminninni KNT-mut ikiorsiisimasut, taava illuatungiliuttut eqqartuussisutigoortumik unnerlunniarlik. Inatsisilli malillugit naalakkersuisut aalajangernikuupput aamma naalakkersuinikkut ingerlatsineq inatsisit malillugit ingerlanneqarpoq.
Naalakkersuisut siulittaasuat, Kim Kielsen taama oqarpoq.
Aamma atuaruk Kim Kielsenip isornartorsiusut akissuteqarfigai
Avaleraasartuunik pisassiinerup kingorna agguaassinerup ingerlanneqarnera pillugu tamanna isornartorsiorneqartareersorlu, aalisarnermut naalakkersuisoqarfik maleruagassanik allanngortitseraluni maanna suleruttulersoq, naalakkersuisoqarfimmi pisortap, Jørgen Isak Olsenip KNR-imut ippassaani oqaatiga, suliallu inernera Naalakkersuisunut akuerrisassanngorlugu qanittukkut tunniuneqarumaartoq naatsorsuutigalugu oqarluni.
