Australiap kangimut sineriaani 1 million hektari ikuallattoq

New South Walesimi ikuallattoqarnera pingasunngornermi ajunnginnerulerpoq, Queenslandimili innuttaasut ajornerpaamik pisoqarnissaanut piareersarput.
Nunap immikkoortuani nutaanik 300-nik marlunngornermi ikuallattoqalerpoq, taakkulu silap kiangaatsiarnerata anorillu sakkortuup kingunerisaanik siaruaapput. Angerlarsimaffiit 50-init amerlanerusut aserorterneqarput inuillu 21-t ikuallanneranit ikilerneqarlutik. Assi © : Peter Parks/AFP/Ritzau Scanpix
Allattoq Ritzau
novembarip 13-at 2019 13:06

Australiap kangimut sineriaani 1,1 million hektarimik annertunersoq suli ikuallanngikkuni ikuallareerpoq.

Nutaarsiassaqartitsivik Reuters danskit nalunaaqutaat naapertorlugu pingasunngornermi unnukkut taama allaaserisaqarpoq.

Australiap nalunaaqutaa naapertorlugu pingasunngornermi ullaakkut qatserisartut Queenslandimik ukkataqarput, tassanilu 36 gradinik kiallunilu sakkortuumik anorersuarpoq, tamannalu ikuallattoqarneranut ajornerulersitsisinnaavoq.

Silassaq qanoq innissaanut aarlerisaarut pissutigalugu Queenslandip kujasinnerusortaa tamarmi ikuallanngaatsiarsinnaasoq aarlerisaarutigineqarpoq. The Guardian taama allaaserisaqarpoq.

Nunanit allanit ikiuisartortut

New Zealandimit Australiami qatserisartunut marlunngornermi ikiuiartortoqarpoq. Tasmaniamit aamma allanit pingasunngornermi ikiuiartortoqarpoq.

Queenslandip ministeriunera, Annastacia Palaszczuk taama ilisimatitsisoq, The Guardian allappoq.

AAMMA ATUARUK Australia: Orpippassuarni ikuallattoqaqqilerpat unitsissinnaanavianngilavut

Sumiiffinni Scenic Rimimi Noosamilu innuttaasut tamarmik angerlarsimaffitsik qimallugu isumannaatsumukarnissaat piumasarineqarpoq.

Nunalli immikkoortuani, New South Walesimi Australiami inoqarnerpaami marlunngornermi ikuallarujussuarnera pitsaanerulaalerpoq. Reuters taama allaaserisaqarpoq.

Silap nillataarnerulaarnera pitsaanerutitsilaalersoq

Taamaalilluni oqartussat aarlerinarnerpaatut ”emergency level”-itut taasaanni nunap immikkoortuani ikuallakkunnaarpoq. New South Walesimi ikuallannerit taamaattut marlunngornermi katillugit 19-iupput.

Nunap immikkoortuani nutaanik 300-nik marlunngornermi ikuallattoqalerpoq, taakkulu silap kiangaatsiarnerata anorillu sakkortuup kingunerisaanik siaruaapput. Angerlarsimaffiit 50-init amerlanerusut aserorterneqarput inuillu 21-t ikuallanneranit ikilerneqarlutik.

Ikuallannerup Sydneyimi illoqarfeeqqani angerlarsimaffiit qassiiusut meterialunnguanik tikinngilaartarpaat.

Silap nillataarnerulaalernera ikuallannernik innuttaasut eqqissiallaatigilaarsinnaasaannik pingasunngornermi ullaakkut annikinnerutitsilersut, nutaarsiassaqartitsivik, AFP allappoq.

Silap pissusiata allanngoriartornera eqqaaneqaqqusaanngitsoq

Nunalli immikkoortuani qatserisartut qulakkeerisoqarsinnaanngikkallarnerarpaat. New South Walesimimi sapaatip akunnerata tulliani kiassuseq qaffattussaavoq.

AAMMA ATUARUK Australiami orpippassuarni ikuallarujussuarnerit mianersoqqussutigineqartut

Australiami orpippassuarni ikuallattoqarneranut atatillugu silap pissusiata allanngoriartornera eqqaaneqassanngitsoq atorfillik ilitsersorneqarput.

The Guardian danskit nalunaaqutaat naapertorlugu pingasunngornermi unnukkut allappoq.

Australiap kangimut sineriaani orpippassuarni ikuallattoqaleruttortoq New South Walesimi atorfillit silap pissusiata naleqqussarnera pillugu ataatsimeersuartuniipput, takku ikuallannerit silap pissusiata allanngoriartorneranut atassusissanngikkaat inassuteqarfigineqarput.