Australia: Orpippassuarni ikuallattoqaqqilerpat unitsissinnaanavianngilavut

Australiami kiassutsip 40 gradimut qaffannissaa naatsorsuutigineqarpoq anorilu akunnermut 60 kilometerinik sakkortussuseqassangatinneqarluni.
New South Walesimi Queenslandimilu orpippassuit 100-t sinneqartut ullut arlerlugit qamisarniarneqarput. Assi © : Stringer/Reuters/Ritzau Scanpix
Australiami ikuallarujussuartoqarnerani atuarfiit 600-t sinneqartut matoqqatinneqarput. 40-t tikillugit kiassaaq anorlerneralu pissutigalugu ikuallannerup siaruaatilertornissaa ernumassutigineqarpoq. Assi © : Stringer/Reuters/Ritzau Scanpix
Angerlarsimaffiit maannamut 150-t ikuallagussaareerlutik. Assi © : William West/AFP/Ritzau Scanpix
Timmisartut helikopterillu 80-it sinneqartut nunami ikuallaffiusinnaasutut ilimanaatillit imermik aqqutalugineqarput. Assi © : Peter Parks/AFP/Ritzau Scanpix
Atuarfiit 600-init amerlanerusut ikuallattoqangaatsiarnera pissutigalugu matuneqarput, aammattaaq allanngutsaaliukkat takornariarfiusinnaanerat matoqqatinneqarlutik. Assi © : Saeed Khan/AFP/Ritzau Scanpix
New South Walesimi sapaatit akunnerata naanerani ikuallattoqanerani inuit pingasut ajunaarput. Assi © : Saeed Khan/AFP/Ritzau Scanpix
Allattoq Ritzau
novembarip 12-at 2019 09:32

Autraliami ikuallarujussuartoqarnerani atuarfiit matoqqasut

Australiami ikuallarujussuartoqarnerani atuarfiit 600-t sinneqartut matoqqatinneqarput. 40-t tikillugit kiassaaq anorlerneralu pissutigalugu ikuallannerup siaruaatilertornissaa ernumassutigineqarpoq.

Qatserisartut tusindillit Australiap kangiani qamisaaniarlutik piareersaleruttorput, nuna panertorujussuuvoq ikuallalernissaanullu aarlerinaateqarluni anorlerluni natsimavoq.

- Nunap panernera pissutigalugu ikuallanneq siaruaatilissagaluarpat ikuallanneq aqunneqarsinnaajunnaarlunilu unitsinneqarsinnaanavianngitsoq, New South Walesimi qatserisartut pisortaata aarlerisaarutigaa.

AAMMA ATUARUK Australiami orpippassuarni ikuallarujussuarnerit mianersoqqussutigineqartut

Silallu kiannerulernissaa anorlernerulernissaalu pisortat aamma ernumassutigaat.

New South Walesimi Queenslandimilu orpippassuit 100-t sinneqartut ullut arlerlugit qamisarniarneqarput.

Qamisaaniarnerli pimoorunneqartuarsinnarpoq. Politiit sakkutuullu ataqatigiissaakkamik qamisaanissaq anguniarlugu qatserisartunut ikiuuttussanngortinneqarput.

Timmisartut helikopterillu 80-it sinneqartut nunami ikuallaffiusinnaasutut ilimanaatillit imermik aqqutalugineqarput.

New South Walesimi sapaatit akunnerata naanerani ikuallattoqanerani inuit pingasut ajunaarput, inuillu tusindillit qimagussorneqarlutik, angerlarsimaffiillu maannamut 150-t ikuallagussaareerlutik.

/ritzau/AFP

Aamma atuaruk