QIMMEQ Atuakkanik ilinniutinik saqqummersitsilersut
Qimmip qimuttup piujuaannarsinnissaa siunertaasoq, Naalagaaffiup Uumassusilerinermik Katersugaasivianeersoq ilisimalikkanik ingerlatitseqqiisartoq Anne Katrine Gjerløff oqarpoq:
- Meeqqanut atuagaassaaq aamma ilinniartitsisut meeqqanut atuartitsissutigisinnaassavaat, Anne Katrine Gjerløff, atuakkiortorlu oqarpoq.
Atuagaq taanna suliniummi "QIMMEQ"-mi qimmip qimuttup piorsarsimassutsikkut oqaluttuaa sananeqaatimigullu ineriartorsimanera pillugit misissuinermi ilaavoq.
AAMMA ATUARUK Ilulissani qimmit pillugit ilisimatuussutsikkut misissuisoqalersoq
AAMMA ATUARUK Kitaata kangiatalu qimmiisa siuaasaat assigiinngitsuusut
Nunatsinni meerarpassuit taamaasillutik kalaallit qimmii ilisimasaqarfiginerulissavaat qimmillu piujuaannarnissaa qulakkeerneqarluni, ilisimalikkanik ingerlatitseqqittartoq oqarpoq:
- Kalaallit piorsarsimassusaannut pingaaruteqarluinnartuusorigatsigu, taavalu aamma meeqqat qimminik qimuttunik qimmillit, kalaallilluunniit qimmiinik takunikuunngisaannarsimasut, qimmit taakku pillugit ilisimatuussutsikkut paasisanik ilisimasaqarnerunissaat pingaartikkatsigu.
Atuagarlu taanna iluaqutaasinnaasoq, Gjerløff isumaqarpoq:
AAMMA ATUARUK Knud Rasmussenip katersai misissorneqassapput
AAMMA ATUARUK Qimmit qimuttut kulturikkut oqaluttuarisaanerat ilisimatusarfigineqalersoq
- Qimmit pillugit oqaluttuatoqqat, itsarsuarnitsanik misissuinermut tunngasut, ineriartornerat, Kalaallit Nunaanni qanoq atorneqartarnerat qangalu qanoq atorneqartarsimanerat, peqqissusaat, pissusilersornermikkut ilisarnaataat taavalu aamma qimusserneq allaaserineqassapput.
Atuartitaanermut aqutsisoqarfik perorsaanermullu immikkut ilisimasallit Naalagaaffiup Uumassusilerinermik Katersugaasivianeersut suleqatigiillutik, suliniummi QIMMEQ-mi ilisimatusartut ikiortigalugit, atuagaq suliarissavaat.
- Taakkualu ilisimasaat, katersaat paasisaallu atuakkami atussavakka.
Anne Katrine Gjerløff atuakkanik atuartitsissutinik allanik allaaserisaqareerpoq, qimmerlu pillugu, 2019-ip ingerlanerani saqqummersussami, atuakkiornermini nammineq aamma paasisassarsiorluni.
Atuagaq meeqqanut arfineq-pingasuniit 13-it tungaannut ukiulinnuunerusoq saaffiginnippoq.
