Ilisimatuussutsikkut misissuineq: Knud Rasmussenip katersai misissorneqassapput

Qimmit qimuttut sananeqaatimikkut ineriartorsimanerat ilisimatuussutsikkut maanna misissorneqarpoq. Knud Rasmussenip ilisimasassarsiornerata nalaani qimmit amii katersarisimasai ilisimatuunit ilaatigut misissorneqassapput.

Qimmit amii misissugassat katillugit 76-it katersorneqareerput, taakkualu misissorneqarnerisigut qimmip siuaaminik ilisarnaatai taavalu aamma issittumi amaqqut siuaaqaqatiginerai paasiniarniaritsik, ilisimatooq oqarpoq:

- Takusinnaalissavarpullu qimmit qimuttut taamani qanoq isikkoqarsimanersut, Statens Naturhistoriske Museumimi, tassa Naalagaaffiup pinngortitaleriffiata katersugaasiviani ilisimatusarnermut pisortaq, Anders Johannes Hansen, oqarpoq.

AAMMA ATUARUK Ilisimatuutut misissuinerup qimmit qimuttut annaatissagai

Taassuma ilisimatuut allat suleqatigalugit qimmip qimuttup sananeqaatimigut ineriartorsimanera pillugu misissuivoq. Misissuineq "QIMMEQ"-mik taaneqarpoq.

Tasiilami, Ittoqqortoormiini nunattalu kitaani sumiiffiit ilaanni qimmit qimuttut timaasa sannaasa ilisarnaataannik misissuinissaminnut atugassaminnik qimmit qarnganiit misissugassaminnik ilisimatuut tigusipput.

Knud Rasmussenip katersarisimasaanit tigusisut

Qimmit 76-it amii aamma katersorneqarput. Taakkununnga ilaallutik issittumi ilisimasassarsiortup tusaamasarsuup, Knud Rasmussenip, ilisimasassarsiornermini katersarisimasai.

- Ammit ilai Canadameersuupput. Sunalu paasiumaarneripput soqutiginassaqaaq, ilisimatooq oqarpoq.

Taakkualu tunngavigalugit qimmeq issittumut qanoq naleqqussarsimanersoq qanorlu taama qasujaallitigisimanersoq paasineqarsinnaasoq, ilisimatooq oqarpoq.

Ilisimatuut qimmit amiinik Knud Rasmussenip 1900-kkut aallartinnerani katersarisimasaanit pisoqaanernik pissarsinissartik neriuutigaat.

AAMMA ATUARUK Kitaata kangiatalu qimmiisa siuaasaat assigiinngitsuusut

Qimmip qimuttup issittumi amaqqut siuaaqaqatiginerai ilisimatuut suli paasinngilaat. Sulili nalunarpoq, tassami qimmit allat misissorneqarneranni amaqqup timaata sannaata ilisarnaataanik nassaarsinnaasut, ilisimatusarnermut pisortaq Anders Johannes Hansen oqarpoq.

Ilisimatusarnermut pisortaq Anders Johannes Hansen qimmeq qimuttoq issittumilu amaroq pillugit Ilisimatusarfimmi pingasunngornermi nalunaaqutaq unnukkut 20:00 oqalugiassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat