Atortut teqqaasut, quit aserortut anorersuartumilu qajannaarsuineq
Nunatta kitaata sineriaa maannakkut anorersuartorsuuvoq. Politiit Nuummi Paamiunilu pisariaqanngitsumik angalaqqusinngillat.
Taakkua aamma inuit pigisatik inunnut ulorianarunnaarlugit qajannaarsussagaat anorersuannginnerani kajumissaarutigaat. Immaqali ilimagisamit anorersuarnerujussuuvoq.
Nuummi illoqarfiup immikkoortuani Qinngorpumi Atuarfiup Hans Lyngep eqqaani ruujorerujussuaq tingippoq.
Video: Inge Olsvig Brandt.
INI A/S-ip eqqaaveqarfii anorimut akiuussinnaanngillat. Eqqaaveqarfiimmi arlallit aseruatitertut assileriarlugit Facebookkimut ikkussuunneqarput.
Billede: Juliane Kriegel.
Aamma Nuussuarmi pississaartarfik trampoliina qullersuarmut pisimavoq.
Umiarsualivimmi qajannaarsuineq: Ilimagisamit ajunnginneq
Peter Rosvig Pedersenip umiarsualivimmi mallit akornanni prammiutini qajannaarsorlugu pituttorpaa.
Video: Frank Wille.
- Pituttornera naammangimmat qajannaarsortariaqarparput. Pissanganarpoq ilimagisamiilli ajunnginneruvoq. Anigornissaa nalornissutiginngilara, suleqatikkami suleqatigaakka immitsinnullu nalunngilluarpugut, Peter Rosvig Pedersen oqarpoq.
Taanna namminersortuuvoq Polar Dive-lu pigalugu, innakkut suliassat suliarisarpaat, aqqartartuullutillu.
Aamma Imarsiornermik ilinniarfiup eqqaani pujortartarfik anorimit uppitinneqarpoq.
