Royal Greenland-imi sulisut imigassaq pillugu paasititsiniaaffigineqalerput. Oktoberip aqqaneq aappaaniit 25-ianut suliffeqarfissuarmi sulisut oqalugiarfigineqartassapput, imigassamik pinngitsuuisinnaajunnaarneq pillugu oqalugiartoqartassalluni.
Lars-Emil Johansen siusinnerusukkut imerajuttuusoq akuersisimavoq oqalugiartarnissamut, misilittakkani saqqummiuttassallugit.
-Royal Greenland-ip taamatut iliuuseqarnera pitsaasuuvoq, imigassamik ajornartorsiuteqarneq iliuuseqarfiginiarneqarmat, Lars-Emil Johansen ullumi radioaviisimut oqarpoq.
Imigassamut nakkaattoortarneq, anigorneqarsinnaasorlu sulisunut paasitinniassallugu Johansen oqarpoq. Aamma paasititsiiaanermi Pele Møller-ip nipilersortartui angalaqataanissaat pilersaarutaavoq.
Uummannaq, Aasiaat Sisimiut Narsarlu oktoberip 11-aniit 25-ianut angalaffigineqassapput.